له‌په‌رله‌مانه‌وه‌ هاوكاری بۆ منداڵانی كۆبانێ كۆده‌كاته‌وه‌

هاوكاری بۆ منداڵانی كۆبانێ كۆده‌كاته‌وه

كۆبانێ ئه‌و شاره‌ی كه‌له‌ ماوه‌ی چوار مانگدا رووبه‌ڕووی دڕه‌نده‌ترین گروپی تیرۆرستی بوه‌ته‌وه‌و چۆكی بۆ دووژمن دانه‌داوه‌و ره‌مزی به‌رخوردانی گه‌لێكه‌.

پاشماوه‌ی جه‌نگ له‌و شاره‌دا وای له‌ وێنه‌گران و سینه‌مانكاران و هونه‌رمه‌نده‌ جیهانیه‌كان كردوه‌ كه‌بچنه‌ ئه‌وشاره‌كه‌و مێژووه‌ پڕ له‌سه‌روه‌ره‌یه‌كه‌ی بنوسنه‌وه‌.

هاوكار زرار ئه‌و فۆتۆگرافه‌ره‌ی كه‌ له‌شاری رانیه‌وه‌ له‌گه‌رمه‌ی روبه‌ڕوبوونه‌وه‌كاندا گیانی خۆی خسته‌ مه‌ترسیه‌وه‌و به‌ كامێراكه‌ی وێنه‌كانی ئه‌و رۆژانه‌ی گرت .

دوای گه‌ڕاندنه‌وه‌شی له‌ رۆژی   4-5-2015 له‌زانكۆی راپه‌رین له‌پێشانگایه‌كدا وێنه‌كانی نمایشیكردن و دواتریش له‌ رۆژی 30-6-2015 له‌ناو ته‌لاری په‌رله‌مانی كوردستان جارێكی ئه‌و وێنانه‌ی بۆ په‌رله‌مانتاران نمایشكرد، بۆ ئه‌وه‌ی له‌ رێگه‌ی فرۆشتنی وێنه‌كانیه‌وه‌ داهاتێك بۆ منداڵانی كۆبانێ كۆبكاته‌وه‌ .

سه‌باره‌ت به‌و كاره‌ی هاوكار زرار تایبه‌ت بۆ PUKmedia  وتی: من وه‌كو فۆتۆگرافێكی باشوری كوردستان و شاری ڕانیه‌ی له‌مانگی 12 ی ساڵی رابردوه‌وه‌ پێش ئازادكردنی كۆبانێ به‌ڕێگای قاچاخ سه‌ردانی ئه‌م شاره‌م كرد بۆئه‌وه‌ی ئازایه‌تی و نه‌به‌ردی شه‌ڕڤانان و هێزی پێشمه‌رگه‌و خه‌ڵكی خۆڕاگری ئه‌م شاره‌و  وێرانكردنی ئه‌م شاره‌ كه‌له‌سه‌ر ده‌ستی چه‌ته‌كانی داعش توشی وێرانكردن هاتووه‌ له‌ڕێگای زوومی كامێراكه‌مه‌وه‌ ئه‌رشیفی بكه‌م بۆمێژوو بۆئه‌وه‌ی نه‌وه‌كانی داهاتوو بزانن كورد له‌سه‌رده‌ستی دووژمنانی توشی چی هاتووه‌و ده‌مه‌وێت له‌ڕێگای كردنه‌وه‌ی پێشانگا بۆفۆتۆكانم هاوكاری منداڵانی ئه‌م شاره‌بكه‌م بۆئه‌م مه‌به‌سته‌ پێشانگایه‌كم له‌ باڵه‌خانه‌ی په‌رله‌مانی كوردستان كرده‌وه‌ فۆتۆكانم له‌وێ نمایشكرد بۆ فرۆشتن بۆئه‌وه‌ی ئه‌ندامانی په‌رله‌مان بتوانن له‌ڕێگای كڕینی فۆتۆكان ده‌ستی هاوكاری خۆیان بگه‌یه‌نن به‌منداڵانی ئه‌م شاره‌و له‌لایه‌ن سه‌رۆك و ئه‌ندامانی په‌رله‌مان ڕێزێكی زۆریان له‌پێشانگاكه‌ گرت و به‌كارێكی پیرۆزیان وه‌سفكرد پێشانگاكه‌ بریتی بوو له‌ 34 فۆتۆ و ته‌نها 11 فۆتۆیان فرۆشرا.

به‌داخه‌وه‌ كه‌من چاوه‌ڕێی فرۆشی زیاترم ئه‌كرد، به‌ڵام به‌پێی وته‌ی ئه‌ندام په‌رله‌مانان كه‌ئه‌وانیش به‌ده‌رنین له‌م قه‌یرانی بێ بودجه‌یه‌ و بێ مووچوییه‌ كه‌نه‌یان توانی به‌شێكی زۆری ئه‌وان فۆتۆكان بكڕن .

PUKmedia ئاری مسته‌فا  /  رانیه‌