له‌به‌عقوبه‌ په‌لاماری ئاواره‌كانی جه‌له‌ولا ده‌درێت

رفاندن له‌ سنوری پارێزگای دیاله‌ زۆربووه‌

له‌لایه‌ن ژماره‌یه‌ك چه‌كداری نه‌ناسراوه‌ په‌لاماری خێزانێكی ئاواره‌ی جه‌له‌ولا له‌گوندێكی باشوری شاری به‌عقوبه‌ ده‌درێت و پێنج ئه‌ندامی خێزانه‌كه‌ شه‌هیده‌كرێن و دوو كه‌سی تریشیان ده‌ڕفێندرێن.

مه‌حه‌مه‌د غه‌ببان چالاكوانی مه‌ده‌نی تایبه‌ت به‌كاروباری ئاواره‌كان به‌ PUKmedia ی راگه‌یاند: شه‌وی رابردوو ژماره‌یه‌ك چه‌كداری نه‌ناسراو به‌ دوو ئۆتۆمبێله‌وه‌ په‌لاماریی خێزانێكی ئاواره‌ی ناحیه‌ی جه‌له‌ولایان له‌ باشوری شاری به‌عقوبه‌ داوه‌و پێنج كه‌سیان شه‌هیدكردون و دووانی تریشیان رفێندراون. 

وتیشی: هێزه‌ ئه‌منیه‌كان چوونه‌ته‌ ناوچه‌كه‌ به‌ڵام تائێستا هیچ كه‌سێك به‌و هۆیه‌وه‌ نه‌گیراوه‌. 

رونیشكرده‌وه‌ :به‌داخه‌وه‌ هه‌ر دوێنێ جارێكی تر رووداوێكی تری  تیرۆرستی له‌گوندی ئه‌بو سه‌یدا روویداوه‌و به‌هۆی ته‌قینه‌وه‌ی بۆمبێكی چێنراو پێنج كه‌س شه‌هیدبوون و 11كه‌سی تریش برینداربوون . 

ئه‌و چالاكوانه‌ جه‌ختیكرده‌وه‌: رفاندنی هاووڵاتیان له‌ دیاله‌ به‌رده‌وامه‌و تائێستا ژماره‌یه‌كی زۆر هاووڵاتی بێسه‌روشوێنن. 

PUKmedia    سامان یاروه‌یس