فڕۆكه‌ جه‌نگییه‌كان زیاتر 31 تیرۆرست ده‌كوژن

به‌ده‌یان كه‌سیان لێ برینداربووه‌

 له‌شه‌وی رابردوه‌وه‌ تا ئاماده‌كردنی ئه‌م هه‌واڵه‌ فڕۆكه‌كانی هاوپه‌یمانان له‌سنووری پارێزگای موسڵ چوارجار بۆردومانی تیرۆرستان كرده‌وه‌و له‌ئه‌نجامدا زیاتر له‌ 31 تیرۆرست كوژران و به‌ده‌یان تیرۆرستیش برینداربوون.

 له‌و باره‌یه‌وه‌ غه‌باس سورچی كارگێڕی مه‌ڵبه‌ندی موسڵی یه‌كێتیی نیشتمانیی كوردستان به‌ PUKmredia ی راگه‌یاند: له‌شه‌وی براردوه‌وه‌ تا گه‌یاندنی ئه‌و هه‌واڵه‌، فڕۆكه‌كانی هاوپه‌یمانان چوار هێرشی ئاسمانییان كردوه‌ته‌ سه‌ر مۆڵگه‌كانی تیرۆرستان له‌سنووری پارێزگای موسڵ.

 وتیشی: ئه‌و مۆڵگانه‌ی تیرۆرستان كه‌ كراونه‌ته‌ ئامانج بریتین له‌میحوه‌ری حه‌ردان كه‌ سه‌ر به‌ناحیه‌ی سنوونی قه‌زای شه‌نگاله‌ و گوندی بارا كه‌سه‌ر به‌قه‌زای شه‌نگاله‌ و هه‌ردوو گوندی خالیدیه‌ و سه‌لاحیه‌ی كه‌سه‌ر به‌قه‌زای مه‌خموورن.

غه‌باس سورچی راشیگه‌یاند: به‌پێی ئه‌و زانیاییه‌ی كه‌ به‌ده‌ستمان گه‌یشتوه‌ له‌نه‌خۆشخانه‌كانی ژێر ده‌ستی داعش، له‌و بۆردومانه‌دا تیرۆرستان زیاتر له‌ 31 كه‌سیان لێكوژراوه‌و به‌ده‌یان كه‌سیشیان لێ برینداربووه‌.

هه‌روه‌ها له‌و بۆردومانانه‌دا چه‌ندین ئۆتۆمبێلی تیرۆرستان سوتێندراون .

PUKmedia دیار ستار