riklam

هه‌ڵه‌بجه‌.. مه‌ریه‌م هه‌مووان كۆده‌كاته‌وه‌

کوردستان 05:48 PM - 2015-05-27
مه‌ریه‌م ئه‌و ونبووه‌ی كه‌ به‌دوای خانه‌واده‌كه‌یدا ده‌گه‌ڕێت

مه‌ریه‌م ئه‌و ونبووه‌ی كه‌ به‌دوای خانه‌واده‌كه‌یدا ده‌گه‌ڕێت

ئه‌مڕۆ 27-5-2015 به‌ ئاماده‌بوونی ئه‌ركان حه‌سه‌ن قائیمقامی هه‌ڵه‌بجه‌و سه‌رجه‌م رێكخراوه‌كانی هه‌ڵه‌بجه‌و مامۆستایانی ئایینی و نوێنه‌رانی حزب و لایه‌نه‌ سیاسییه‌كانی هه‌ڵه‌بجه‌، رێكخراوی هه‌ڵوێست له‌ هۆڵی مۆنۆمێنتی هه‌ڵه‌بجه‌ به‌ ئاماده‌بوونی مه‌ریه‌م ئه‌و ونبووه‌ی كه‌ به‌دوای خانه‌واده‌كه‌یدا ده‌گه‌ڕێت، دوایین هه‌نگاوه‌كانی شادكردنه‌وه‌ی به‌ كه‌سوكاره‌كه‌ی و چۆنییه‌تی زوو كاركردن له‌سه‌ر كه‌یسه‌كه‌ی گفتوگۆی له‌سه‌ركرا.

له‌و دانیشتنه‌دا كه‌ بانگهێشتی خه‌له‌ف ئه‌حمه‌د ئه‌ندامی په‌رله‌مانی كوردستان له‌سه‌ر لیستی (ی.ن.ك) كرابوو تا وه‌ك ئه‌ندام په‌رله‌مانێك به‌دواداچوون بۆ كه‌یسه‌كه‌ بكات، به‌ PUKmedia ی راگه‌یاند: له‌ سبه‌ینێوه‌ وه‌ك ئه‌ندامێكی په‌رله‌مان سه‌ردانی هه‌موو ئه‌و لایه‌نه‌ په‌یوه‌ندیدارانه‌ ده‌كه‌م كه‌ په‌یوه‌ستن به‌و كه‌یسه‌وه‌، هه‌ر لایه‌نێكیش كه‌مته‌رخه‌م بێت، ئه‌وا بانگهێشتی په‌رله‌مانی ده‌كه‌م بۆ لێپرسینه‌وه‌.

وتیشی: پێویسته‌ وه‌زاره‌تی شه‌هیدان ناوه‌ندێكی تایبه‌ت به‌ منداڵه‌ ونبووه‌كان بكاته‌وه‌ بۆئه‌وه‌ی له‌هه‌موو رووه‌ كۆمه‌ڵایه‌تی و یاسایی و پزیشكییه‌كانه‌وه‌ ئه‌م ناوه‌نده‌ به‌رده‌وام كاربكات بۆ دۆزینه‌وه‌ی ئه‌و منداڵانه‌و وه‌ك په‌رله‌مانتارێكیش به‌ پێشنیار ئاڕاسته‌ی حكومه‌تی هه‌رێمی ده‌كه‌م.

جێی باسه‌، ماوه‌ی 25 رۆژه‌ مه‌ریه‌م له‌ وڵاتی ئێرانه‌وه‌ هێنراوه‌ته‌وه‌ هه‌ڵه‌بجه‌و به‌پێی زانیارییه‌كان له‌سه‌ر شێوازی هێنانه‌وه‌شی كێشه‌ كه‌وتووه‌ته‌ نیوان به‌ڕێوه‌به‌رایه‌تی گشتی كاروباری شه‌هیدان و ئه‌نفالكراوه‌كانی سلێمانی له‌گه‌ڵ كۆمه‌ڵه‌ی قوربانیانی كیمیابارانی هه‌ڵه‌بجه‌و تائێستاش پشكنینه‌كان به‌رده‌وامن و هیچ ئه‌نجامێك رانه‌گه‌یه‌نراوه‌.

PUKmedia فه‌رحان حه‌مه‌خان - هه‌ڵه‌بجه‌

3747142752015_20150527_115802.jpg

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket