په‌رله‌مانتارانی خولی پێشوو داوا ده‌كه‌ن گرنگی زیاتریان پێبدرێت

پێگه‌ی شایسته‌ بۆ ئه‌م دامه‌زراوه‌ نیشتمانییه‌ دابنرێت

ئه‌مرِۆ چوارشه‌ممه‌ 27/5/2015 سه‌رۆك كۆمار فوئاد مه‌عسوم له‌كۆشكی سه‌لام له‌به‌غدا پێشوازیكرد له‌ ژماره‌یه‌ك له‌ئه‌ندامانی خولی پێشووی ئه‌نجومه‌نی نوێنه‌ران و باسی ئه‌و ئاسته‌نگ و كۆسپانه‌ی له‌گه‌ڵ كردن كه‌ دوای كۆتایی ئه‌ركه‌ پارله‌مانیه‌كانیان دێته‌ رێگه‌یان.

له‌و كۆبوونه‌وه‌یه‌دا د.فوئاد مه‌عسوم سه‌رۆك كۆماری عیراق رونیكرده‌وه‌، ئومێده‌وارم له‌ئاینده‌یه‌كی نزیكدا چاره‌سه‌ری قانونی بۆ كێشه‌كانیان بدۆزرێته‌وه‌ كه‌ له‌ ئاست داواكارییه‌كانیاندا بێت و پێگه‌ی شایسته‌ بۆ ئه‌م دامه‌زراوه‌ نیشتمانییه‌ دابنرێت، دوپاتیشی كرده‌وه‌،پشتیوانی هه‌ر رێوشوێنێك ده‌كات كه‌ مافی پارله‌مانتاران زامن بكات دوای كۆتایی هاتنی ئه‌ركه‌ ره‌سمیییه‌كانیان .

لای خۆیانه‌وه‌ وه‌فده‌كه‌ بایه‌خدانی به‌رێزیان به‌رز نرخاند بۆ داواكارییه‌كانیان و كارده‌كات بۆ  به‌دیهێنانیان .

PUKmedia راگه‌یاندنی سه‌رۆكایه‌تی كۆمار