شه‌ڕڤانان چوار هه‌زار كیلۆمه‌تر داعشیان پاشه‌كشێ پێكردوه‌

.

روانگه‌ی سوری بۆ مافه‌كانی مرۆڤ له‌باره‌ی پێشڕه‌وییه‌كانی شه‌ڕڤانانی یه‌په‌گه‌ و یه‌په‌ژه‌  له‌ رۆژئاوای كوردستان ئاشكرایكردوه‌: له‌ماوه‌ی 20 رۆژدا شه‌ڕڤانان توانیویانه‌ له‌ كانتۆنی جه‌زیره‌ و به‌ڕوبه‌ری ناوچه‌كانی سه‌رێكانی و ته‌ل ته‌مرۆ و  ناحیه‌ی مه‌بروكه‌ داعش تێكبشكێنن و پاشه‌كشێی پێبكه‌ن.

رونیشكردوه‌ته‌وه‌: له‌و ماوه‌یه‌یه‌دا زیاتر له‌ 170 تیرۆرستی داعش كوژراون و چه‌ندین ناوچه‌ی گرنگ و سترانیژی به‌تایبه‌ت جه‌به‌ل كه‌زانیان له‌ده‌ستداوه‌، كه‌ رێگه‌ی گه‌یاندنی پشتیوانیه‌كانی داعشی له‌سه‌ر بووه‌. 

شه‌ڕڤانان ساسۆ فه‌رمانده‌ له‌ هێزه‌كانی یه‌په‌گه‌ له‌و باره‌یه‌وه‌  جه‌ختیكردوه‌ته‌وه‌ پێشڕه‌ویه‌كانمان به‌رده‌وام ده‌بن و به‌مزووانه‌ داعش به‌ته‌واوی له‌ رۆژئاوای كوردستان ده‌كه‌ینه‌ ده‌ره‌وه‌. 

باسیله‌وه‌شكردوه‌: داعش له‌ناوچه‌كه‌دا هیچ وره‌یه‌كی نه‌ماوه‌و به‌ته‌واوی له‌ پاشه‌كشێدان و چه‌ندین سه‌ركرده‌و تیرۆرستیان كوژراون و ژماره‌یه‌كیشیان لێ به‌دیلگیراوه‌.

PUKmedia  سامان یاروه‌یس