شه‌ش به‌رپرسی فیفا ده‌ستگیر ده‌كرێن

سب پلاته‌ر سه‌رۆكی فیدراسیۆنی نێوده‌وڵه‌تی تۆپی پێی (فیفا) بینراوه‌

به‌ تۆمه‌تی گه‌نده‌ڵی پۆلیسی سویسرا ژماره‌یه‌ك له‌ به‌رپرسانی باڵای فیدراسیۆنی نێوده‌وڵه‌تی تۆپی پێی (فیفا)  ده‌ستگیركرد.

به‌ پێی هه‌واڵی ئاژانسی بی بی سی، 6 به‌رپرسی باڵای فیدراسیۆنی نێوده‌وڵه‌تی تۆپی پێی (فیفا) به‌ تۆمه‌تی گه‌نده‌ڵی له‌ شاری زوریخ له‌ وڵاتی سویسرا له‌لایه‌ن پۆلیسی ئه‌و وڵاته‌وه‌ ده‌ستبه‌سه‌ر كراون.

سه‌رچاوه‌كانی هه‌واڵ باس له‌وه‌ ده‌كه‌ن كه‌ له‌ناو ده‌ستگیركراوه‌كاندا یه‌كێك له‌ یاریده‌ده‌رانی سب پلاته‌ر سه‌رۆكی فیدراسیۆنی نێوده‌وڵه‌تی تۆپی پێی (فیفا) بینراوه‌.

جێی باسه‌ له‌ 20 ساڵی رابردوودا فیفا هه‌میشه‌ به‌وه‌ تۆمه‌تبار كراوه‌ كه‌ گه‌نده‌ڵییه‌كی زۆر ئه‌و فیدراسیۆنه‌ی گرتۆته‌وه‌و هه‌موو جارێكیش به‌رپرسانی ئه‌و فیدراسیۆنه‌ ئه‌و تۆمه‌تانه‌یان ره‌تكردۆته‌وه‌.

PUKmedia     وه‌رگێرِان/ جه‌واد حه‌یده‌ری
سه‌رچاوه‌/ ئاژانسی بی بی سی