داعش ماڵی هاووڵاتیان تاڵان ده‌كات

ئاماده‌نه‌بوون له‌ژێر ده‌سه‌ڵاتی تیرۆرستان ژیان به‌ڕێبكه‌ن

داعش له‌باكوری شاری موسڵ ده‌ستیكردووه‌ به‌تاڵانكردنی خانووی ئه‌و هاووڵاتییانه‌ی هه‌ڵهاتوون و ئاماده‌نه‌بوون له‌ژێر ده‌سه‌ڵاتی تیرۆرستان ژیان به‌ڕێبكه‌ن.

 سه‌رچاوه‌یه‌ك له‌شاری موسڵ رایگه‌یاند: داعش له‌دواترین كاریدا هه‌ستاوه‌ به‌تاڵانكردنی خانوو ماڵی ئه‌و هاووڵاتیانه‌ی كه‌ شاری موسڵیان له‌ترسی تیرۆرستانی جێهێشتووه‌و به‌ره‌و ناوچه‌كانی تر هه‌ڵهاتوون.

 ئاماژه‌ی به‌وه‌شكرد كه‌ تیرۆرستان داوی تاڵانكردنی ماڵه‌كانیان هه‌ستاون به‌كرێدانی خانووه‌كانیان به‌پاره‌یه‌كی زۆر به‌ ئاواره‌كانی سوریا.

 ئه‌و سه‌رچاوه‌یه‌ ئه‌وه‌شی وت: زۆرینه‌ی هاووڵاتییه‌ هه‌ڵهاتوووكان بۆ ناوچه‌ ئارامه‌كانی تر بریتین له‌توركمان و عه‌ره‌ب، كه‌ له‌دوایدا وه‌ك سزا تیرۆرستانی داعش ماڵه‌كانیان تاڵانكردوون.

 

PUKmedia