برسێتی هه‌ڕه‌شه‌ له‌ 12 ملیۆن یه‌مه‌نی ده‌كات

برسێتی هه‌ڕه‌شه‌یه‌كی گه‌وره‌یه‌ له‌سه‌ر ئه‌و وڵاته‌

به‌ پێی ئه‌و ئامارانه‌ی كه‌ له‌ یه‌مه‌نه‌وه‌ ده‌رده‌چێت له‌ ئێستادا له‌ كۆی 26 ملیۆن له‌ دانیشتوانی ئه‌و وڵاته‌ 12 ملیۆن یه‌مه‌نی برسین و برسێتی هه‌ڕه‌شه‌یه‌كی گه‌وره‌یه‌ له‌سه‌ر ئه‌و وڵاته‌.

جاناتان كانلایف به‌ڕێوه‌به‌ری وه‌فدی نێوده‌وڵه‌تی پزیشكان بۆ یه‌مه‌ن له‌ لێدوانێكدا ئاشكرایكرد كه‌ یه‌مه‌ن پێویستییه‌كی زۆری به‌ پێداویستی خۆراكی هه‌یه‌و له‌ ئێستادا برسێتی هه‌ڕه‌شه‌ 12 ملیۆن هاووڵاتی ده‌كات.

جاناتان راشیگه‌یاندووه‌: كۆگاكانی خۆراك ڕوو له‌ ته‌واو بوونه‌ و نرخی ئارد له‌و وڵاته‌ چوار قات به‌رز بوه‌ته‌وه‌و خه‌ڵك توانای كڕینی خۆراكی نه‌ماوه‌و كۆمه‌كه‌ مرۆییه‌كان زۆر به‌ خاویی و شێنه‌یی ده‌گاته‌ ئه‌و وڵاته‌.

PUKmedia  وه‌رگێڕان/ جه‌واد حه‌یده‌ری
سه‌رچاوه‌/ ئاژانسی ئیسنا