دادگا سزای به‌سه‌ر باوك و زڕ دایكی ئه‌حمه‌د سه‌پاند

ئه‌ركی به‌خێوكردنی ئه‌حمه‌د-یشی خسته‌ ئه‌ستۆی باپیری

دادگای كه‌ركوك بڕیاری زیندانیكردنی شه‌ش مانگی به‌سه‌ر باوك و زڕ دایكی ئه‌حمه‌دی ته‌مه‌ن 6 ساڵاندا سه‌پاند، هه‌روه‌ها ئه‌ركی به‌خێوكردنی ئه‌حمه‌د-یشی خسته‌ ئه‌ستۆی باپیری.

عه‌مید رزگار عه‌بدول له‌تیف به‌ڕێوه‌به‌ری به‌شی خێزان له‌پۆلیسی كه‌ركوك رایگه‌یاند: دادگا پێش دوو رۆژ، بڕیاری كۆتایی له‌سه‌ر دۆسیه‌ی ئه‌و منداڵه‌ ده‌ركرد، كه‌ به‌ ناوی (ئه‌حمه‌د) له‌ كۆتایی ساڵی رابردوو له‌لایه‌ن باوك و زڕدایكیه‌وه‌ ئه‌شكه‌نجه‌ درابوو، كه‌ هه‌ریه‌كه‌ له‌ باوك و زڕدایكی ئه‌حمه‌د به‌ 6 مانگ زیندانی ده‌ستگیركران.

هه‌روه‌ها ئاماژه‌ی به‌وه‌شكرد: ئه‌ركی به‌خێوكردنی ئه‌حمه‌د و خوشكه‌كانی خراوه‌ته‌ سه‌رئه‌ستۆی باپیری ئه‌حمه‌د، باوكی و زڕ دایكی ئه‌حمه‌دیش له‌پیشه‌ی فه‌رمانبه‌ری حكومه‌ت فه‌سڵكران.

جێگای ئاماژه‌یه‌، له‌كۆتایی ساڵی رابردوو ئه‌حمه‌دی ته‌مه‌ن 6 ساڵان له‌لایه‌ن باوك و زڕدایكیه‌وه‌ به‌شێوازێكی خراپ ئه‌شكه‌نجه‌درا كه‌ ئه‌مه‌ش كاردانه‌وه‌یه‌كی توندی شه‌قامی كوردیی لێكه‌وته‌وه‌.

PUKmedia رۆژنامه‌ی هه‌واڵ