مه‌كته‌بی رێكخستن پیرۆزبایی له‌كۆمه‌ڵه‌ی خوێندكاران ده‌كات

پیرۆزبایی بۆ كۆمه‌ڵه‌ی خوێندكاران

به‌بۆنه‌ی 39 هه‌مین ساڵیادی دامه‌زراندنی كۆمه‌ڵه‌ی خوێندكارانی كوردستانه‌وه‌ مه‌كته‌بی رێكخستی یه‌كێتیی نیشتمانیی كوردستان بروسكه‌یه‌كی پیرۆزبایی ئاڕاسته‌ی كۆمه‌ڵه‌یه‌ی خوێندكاران ده‌كات.

 ده‌قی بروسكه‌كه‌..

ئه‌مڕۆ ( 39) ساڵ تێئه‌په‌ڕێت به‌ سه‌ر دامه‌زراندنی ( ك.خ.ك) دا به‌م بۆنه‌یه‌وه‌ گه‌رمترین پیرۆزبایتان ئاراسته‌ ئه‌كه‌ین به‌هیواین هه‌ڵكردن مۆمێكی نوێی ته‌مه‌نی رێكخراوه‌كه‌تان هه‌نگاوێكی تر بێت به‌ئاڕسته‌ی به‌دیهێنانی خواسته‌كانی خوێندكارانی كوردستان ، ئه‌م رێكخراوه‌ له‌ماوه‌ی (39) ساڵه‌ی ته‌مه‌نیدا توانیویه‌تی قۆناغ و هه‌وراز و نشێوی زۆر ببڕێت و به‌سه‌ر ته‌واوی ئاسته‌نگه‌كانی به‌رده‌میدا سه‌ركه‌وتو بێت لاپه‌ڕه‌یه‌كی مێژووی گرنگ له‌ خه‌باتی بزوتنه‌وه‌ی خوێنكارانی كوردستاندا بۆ خۆی و كوردایه‌تی تۆمار بكات ، ئێستاش كه‌ كوردستان و ناوچه‌كه‌ گۆڕانكاری زۆر به‌سه‌ردا هاتووه‌ پێویسته‌ كۆمه‌ڵه‌ی خوێندكاران به‌ دید و تێڕوانینێكی تازه‌وه‌ له‌گه‌ڵ ئه‌م قۆناغه‌دا مامه‌ڵه‌ بكات و كێشه‌و داواكارییه‌كانی خوێندكاران له‌به‌ر رۆشنای گۆڕانكاریه‌كان له‌به‌رچاو بگرێت ، بێگومان زۆر بوونی ناوه‌نده‌كانی خوێندن  و ژماره‌ی خوێندكاران له‌ناوه‌نده‌كانی خوێندندا ، پێویستی به‌به‌رنامه‌ و هه‌نگاوی جدی و كاری هاوبه‌ش هه‌یه‌ هه‌تا به‌و هۆیه‌وه‌ بتوانن ئه‌و ئامانجه‌ی له‌ دروستبونی تاكی ته‌ندروست له‌كۆمه‌ڵدا هه‌تانه‌ بێته‌ دی ، جارێكی تر گه‌رمترین پیرۆزبای ساڵیادی دامه‌زراندن كۆمه‌ڵه‌ی خوێندكارانتان لێده‌كه‌ین  و مه‌كته‌بی رێكخستن وه‌ك هه‌میشه‌ پشتیوانی خه‌باتی ره‌وای خوێندكاران و كۆمه‌ڵه‌ ئه‌بێت .

مه‌كته‌بی ڕێكخستن

PUKmedia