هاوپه‌یمانان 13 هێرشی نوێیان بۆسه‌ر داعش راگه‌یاند

هێرشه‌ ئاسمانییه‌كان بۆسه‌ر داعش به‌رده‌وامن

هێزه‌كانی هاوپه‌یمانان له‌ 24 سه‌عاتی رابردودا 13  هێرشی ئاسمانی نوێیان بۆسه‌ر رێكخراوی تیرۆرستی داعش له‌ عیراق و سوریا راگه‌یاند.

له‌به‌یاننامه‌یه‌كدا هێزه‌كانی هاوپه‌یمانی نێوده‌وڵه‌تی دژی داعش به‌سه‌رۆكایه‌تی ئه‌مریكا ئه‌مڕۆ 19-4-2015، رایگه‌یاند: فڕۆكه‌ جه‌نگییه‌كانی هاوپه‌یمانان 12 هێرشی ئاسمانییان بۆسه‌ر مۆڵگه‌و باره‌گاكانی رێكخراوی تیرۆرستی داعش له‌ عیراق ئه‌نجامداوه‌، زۆربه‌ی هێرشه‌كانیش له‌ناوچه‌كانی بێجی و فه‌لوجه‌و كه‌ركوك و رومادی و شه‌نگال ئه‌نجامدراون.

هه‌رله‌و به‌یاننامه‌یه‌دا ئاماژه‌ به‌وه‌دراوه‌، فڕۆكه‌ جه‌نگییه‌كانی هاوپه‌یمانان هێرشێكی ئاسمانیان بۆسه‌ر رێكخراوی تیرۆرستی داعش له‌ سوریا ئه‌نجامداوه‌و هێرشه‌كه‌ش له‌ناوچه‌ی حه‌سه‌كه‌ ئه‌نجامدراوه‌.

PUKmedia رۆیته‌رز