نوێنه‌ری پاپای ڤاتیكان سه‌ردانی لالش ده‌كات

ده‌خوازین هه‌موو لایه‌ك ده‌ستی هاوكاری بۆ ئاواره‌كان درێژبكه‌ن

پاش نیوه‌ڕۆی ئه‌مڕۆ 1/4/2015 نوێنه‌ری پاپای ڤاتیكان سه‌ردانی مه‌زارگه‌ی لالشی كردو له‌لایه‌ن میری ئێزیدیانه‌وه‌ پێشوازی لێكرا.

له‌و سه‌ردانه‌یدا نوێنه‌ری پاپای ڤاتیكان ئاماژه‌ی به‌ رۆڵ و خۆڕاگری ئێزیدیه‌كان كرد له‌ به‌ره‌نگاربوونه‌وه‌ی تیرۆرستان و هاوخه‌می خۆشی ده‌ڕبری بۆ ئه‌و كاره‌ساته‌ی به‌سه‌ریاندا هات.

وتیشی: ده‌بێت نه‌هامه‌تی ئێزیدیه‌كان كۆتای پێبهێنریت و ده‌خوازین هه‌موو لایه‌ك ده‌ستی هاوكاری بۆ ئاواره‌كان درێژبكه‌ن و به‌رۆح و به‌گیان پارێزگارییان لێبكرێت.

لای خۆیه‌وه‌ میری ئێزیدیان سوپاسی نوێنه‌ری پاپای ڤاتیكانی كرد، وتیشی: سه‌ردانی ئه‌وان بۆ لالش به‌شێك له‌خه‌كه‌مه‌كانمان كه‌مده‌كاته‌وه‌.

PUKmedia محه‌مه‌د به‌كر