وه‌رزی نوێی گه‌لی كوردستان ده‌ستیپێكرد

وه‌رزێكی نوێ به‌ ستایلێكی نوێ

سه‌عات (16:00)ی ئه‌مڕۆ 31-3-2015، كه‌ناڵی ئاسمانی گه‌لی كوردستان له‌ وه‌رزێكی نوێیدا به‌ چه‌ندین گۆڕانكاری و كارو به‌رنامه‌ی نوێوه‌ ده‌ستیپێكرد.

له‌وباره‌یه‌وه‌ بورهان حاجی عه‌لی به‌ڕێوه‌به‌ری كه‌ناڵی ئاسمانی گه‌لی كوردستان به‌ PUKmedia ی راگه‌یاندبوو كه‌ ئه‌مڕۆ كه‌ناڵی ئاسمانی گه‌لی كوردستان له‌ وه‌رزێكی نوێی یه‌كه‌میدا، به‌ كۆمه‌ڵێك به‌رنامه‌و گۆڕینی ستۆدیۆكانی و ده‌ركه‌وتنی چه‌ند رۆژنامه‌نووسێكی نوێ و هه‌روه‌ها گۆڕینی لۆگۆی كه‌ناڵه‌كه‌شه‌وه‌، به‌رنامه‌ی كاری نوێی ده‌ستپێده‌كات.
هه‌روه‌ها راشیگه‌یانبوو كه‌ پاش ماوه‌یه‌كی تریش، وه‌رزێكی تری نوێ و به‌ ستایلێكی نوێ و هه‌روه‌ها به‌ كوالێتییه‌كی باشتر، به‌ چه‌ندین كاری جوانتر قۆناغێكی تری كاره‌كانمان ده‌ستپێده‌كاته‌وه‌.

PUKmedia لانه‌ كاشان