نوسه‌رێكی جیهانی كتێبێك له‌سه‌ر كۆبانێ بڵاوده‌كاته‌وه‌

گه‌وره‌ نوسه‌ری فه‌ره‌نسی پاتریس فرانسیشكی ئاڵڤ

گه‌وره‌ نوسه‌ری فه‌ره‌نسی پاتریس فرانسیشكی ئاڵڤ له‌ به‌رهه‌مێكی نوێیدا كتێبێك به‌ناوی ( Mourir Pour Kobane- مردن له‌پێناو كۆبانێ ) كه‌ باس له‌ به‌رخودانی خه‌ڵكی كۆبانێ و وه‌ستان له‌به‌رامبه‌ر داعش و تێشكانی گه‌وره‌ترین گروپی تیرۆرستی خوێنڕێژی سه‌رده‌م ده‌كات، بڵاوكرده‌وه‌.

له‌كتێبه‌كه‌ی فرانسیشكی-دا باس له‌نمونه‌ی ئیداره‌دانی سه‌ربه‌خۆی كانتۆنی كۆبانێ كراوه‌، هه‌ر له‌كۆكردنه‌وه‌ی ئه‌و هه‌موو نه‌ته‌وه‌و ئاینزایانه‌ی كه‌له‌ناوچه‌كه‌دا بوونیان هه‌یه‌و ئازادی و دیموكراتیه‌كی ته‌واوه‌تیان بۆ فه‌راهه‌مكراوه‌.

 دواتر فرانسیشكی تیشك ده‌خاته‌سه‌ر به‌رخودانی خه‌ڵكه‌ی و خه‌باتی ژن و پیاو منداڵ له‌به‌رامبه‌ر گروپی تیرۆرستی توندڕه‌وی داعش و تێشكاندنی ئه‌و گروپه‌و كوشتنی ده‌یان سه‌ركرده‌و تیرۆرستی وڵاتانی جیهان.

ئه‌و نوسه‌ره‌ فه‌ره‌نسه‌ به‌رخودانی كۆبانێ به‌یه‌كێك له‌ گه‌وره‌ترین داستانه‌كانی قاره‌مانیه‌تی و خه‌بات له‌ پێناوی دیموكراسی و خاك و نیشتمان له‌سه‌ده‌ی بیست و یه‌كه‌م ده‌زانێت و كورد به‌تاكه‌ هێزێكی جیهان له‌قه‌ڵه‌م ده‌دات كه‌ توانیویانه‌ داعش تێكبشكێنن و ئیراده‌ی نه‌ته‌وه‌ی و نیشتمانیان به‌سه‌ر داعشدا بسه‌لمێنن.

پاتریس فرانسیشكی ئاڵڤ   زیاتر له‌ 30 كتێبی گه‌وره‌و به‌ناوبانگی نوسیوه‌و سه‌رپه‌رشتیاری نوسینی زنجیره‌ كتێبه‌كانی ئه‌ڤاتاره‌  كه‌ژماره‌یه‌ك نوسه‌ری گه‌وره‌ی جیهان تیایدا به‌شدارن.


PUKmedia  سامان یاروه‌یس