سنەو سلێمانی بەرەو پەیوەندی فراوانتر هەنگاو دەنێن
کوردستان 07:10 PM - 2015-03-01رێكهوتنێكی 25 خاڵیان لهبواره جیاوازهكاندا ئیمزاكردوه
لەڕێگەی ئیمزاكردنی لێكگەیشتن نامەیەكەوە، شاری سلێمانی و شاری سنەی رۆژهەڵاتی كوردستان هەوڵی فراوانكردنی پەیوەندییەكانیان دەدەن لەبوارەكانی بازرگانی و وەبەرهێنان و ئاڵوگۆڕی توانا مرۆییەكان و ئاڵوگۆڕی كلتوری و گەشەپێدانی ژێرخان.
رۆژی 25ی شوبات دكتۆر ئاسۆ فەرەیدون، پارێزگاری سلێمانی بەیاوەری وەفدێك لەبەرپرسە حكومییەكانی پارێزگای سلێمانی كە پێكهاتبوون لە بەڕێوەبەری وەبەرهێنان و كشتوكاڵ و بەرێوەبەری كارەباو ڤێترنەری و گومرگی باشماخ و ژووری بازرگانی سلێمانی سەردانی پارێزگای كوردستانی كۆماری ئیسلامی ئێرانی كرد.
لەسەردانەكەدا كە ماوەی دوو رۆژی خایەند، پارێزگاری سلێمانی لەگەڵ لێپرسراوانی پارێزگای كوردستان و شاری سنەی ناوەندی ئەو پارێزگایە كۆبووەوە.
لە كۆبوونەوەكاندا تەئكیدكرایەوە لەگەشەپێدانی پەیوەندییەكانی هەردوولاو بۆ ئەو مەبەستەش رێكەوتنێكی لێكگەیشتن لەنێوان دكتۆر ئاسۆ فەرەیدون پارێزگاری سلێمانی و عەبدول محەمەد زاهیدی پارێزگاری سنە ئیمزاكرا.
رێكەوتنەكە لە بیست و پێنج خاڵ پێك دێت زۆر بواری لەخۆی گرتووە لەوانە:
جەختكردنەوە لە رێكەوتنامەكانی پێشوو ئاڵوگۆڕ لەبوارەكانی پیشەی و فێركاری و هونەری و تەكنیكی و كارەبا و كشتوكاڵ و پزیشكی.
هەوڵدانی زیاتر بۆ بەرەسمی ناساندنی خاڵی سنوری سەیران بەندی بانەو چاكردنی رێگەی خاڵە سنورییەكان و كردنەوەی لقی بانكی میللی ئێران لە سلێمانی.
هەروەك لە بەشێكی تری لێكگەیشتن نامەكەدا هاتووە: هەردوو رێكەوتوون لەسەر پشگیری زیاتری چالاكییەكانی كەرتی تایبەت و پێشوازیكردن لەبەگەڕخستنی سەرمایە لەلایەن كەرتی تایبەتی هەردوولاوە بەشێوەی هاوبەش.
لەبەشێكی تری لێكگەیشتن نامەكەدا هەردوولا رێكەوتوون ئاسانكاری زیاتر بۆ هاتووچۆی هاووڵاتیان و بەڵێندەرو بازرگانانی كوردستانی رۆژهەڵات بكرێت و رۆتینات لەو بارەیەوە كەمبكرێتەوە.
لەخاڵی 17ی لێكگەیشتن نامەكەدا هاتووە، كە پارێزگاكانی كوردستان و سلێمانی ئامادەییان دەربڕیووە بۆ بەدواداچوونی دامەزراندنی هێڵی ئاسمانی لەنێوان سلێمانی و شاری سنە.
هەر بەپێی رێكەوتنەكەو لەچەندین خاڵدا تەئكیدكراوەتەوە لەگەشەپێدانی پەیوەندییەكان لەكەرتی كشتوكاڵ بەتایبەت لەبواری وەبەرهێنان و بازرگانی كاڵا كشتوكاڵییەكان و گواستنەوەی ئەزموون و فێركاری.
هەروەك لەبواری هاوكاری زانكۆی و خوێندن و پزیشكیش لەڕێكەوتننامەكەدا جەختكراوەتەوە لەسەر گەشەپێدانی پەیوەندییەكان.
سەبارەت بەپەیوەندییەكان لەبواری كلتور و رۆشنبیریدا لە خاڵی 23ی رێكەوتنەكە هاتووە: دوو لایەن ئامادەیی خۆیان دەربڕی سەبارەت بەگەشەی پەیوەندییەكان و هاوكارییە فەرهەنگی، هونەری و وەرزشییەكانی نێوان هەردوولا.
PUKmedia
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
ئەمانەش ببینە
قوباد تاڵەبانی: ئارامی سلێمانی هێڵی سوورە
08:59 PM - 2024-04-19
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
05:56 PM - 2024-04-19
پەرلەمانتارە غائیبەکان 160 ملیۆن دینار سزادران
10:43 AM - 2024-04-19
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
زۆرترین خوێنراو
-
پلهبهرزكردنهوهی مووچهخۆرانی ههرێم رهزامهندی بهغدای دهوێت
کوردستان 10:40 AM - 2024-04-20 -
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19