سزادانی دوو كه‌س راده‌گه‌یه‌نرێت

مادده‌ی هۆشبه‌ریان به‌كارهێناوه‌

له‌ راگه‌یه‌ندراوێكی به‌ڕێوه‌به‌رایه‌تی ئاسایشی سلێمانیدا كه‌ ئه‌مڕۆ 1-3-2015 بڵاوكراوه‌ته‌وه‌و كۆپییه‌كی بۆ PUKmedia نێردراوه‌، سزادانی دوو كه‌سیان ئاشكرا كردووه‌ به‌هۆی به‌كارهێنانی مادده‌ی هۆشبه‌ره‌وه‌.

ده‌قه‌كه‌ی:
له‌ درێژه‌ی كارو چالاكییه‌كانی به‌ڕێوه‌به‌رایه‌تی ئاسایشی سلێمانی، به‌ مه‌به‌ستی بنه‌بڕكردن و رێگرتن له‌ هێنان و بازرگانیكردن به‌ هه‌موو جۆره‌ مادده‌یه‌كی هۆشبه‌ره‌وه‌، هێزه‌كانی ئاسایشی سلێمانی توانیان له‌ناو شاری سلێمانیدا به‌ بڕیاری دادوه‌رو به‌پێی مادده‌ی (14)ی مخدرات، دوو كه‌س ده‌ستگیربكه‌ن، دوای گه‌ڵاڵه‌بوونی دۆسیه‌كانیان و هه‌واڵه‌كردنیان بۆ دادگا، له‌لایه‌ن دادگای تاوانه‌كانی سلێمانییه‌وه‌ له‌ رۆژی (24/2/2015 ) سزادران به‌مشێوه‌یه‌ی خواره‌وه‌:
1- تاوانبار (و.ع.ا) پیشه‌ی كاسب، ره‌گه‌ز نێر، به‌تاوانی به‌كارهێنانی مه‌وادی هۆشبه‌ر، سزادراوه‌ بۆ ماوه‌ی (2) ساڵ، غه‌رامه‌كردنی به‌بڕی (450000) چوار سه‌دو په‌نجا هه‌زار دینار.
2- تاوانبار (ح.ح.ح) پیشه‌ی كاسب، ره‌گه‌ز نێر، به‌تاوانی به‌كارهێنانی مه‌وادی هۆشبه‌ر، سزادراوه‌ بۆ ماوه‌ی (1) ساڵ و نیو، غه‌رامه‌كردنی به‌بڕی (450000) چوار سه‌دو په‌نجا هه‌زار دینار.

PUKmedia راگه‌یاندنی به‌ڕێوه‌به‌رایه‌تی ئاسایشی پارێزگای سلێمانی