نرخی بەنزین دابەزێنرا

لە رۆژی یه‌كشەممەی داهاتوە كاری پێدەكرێت

ئەنجومەنی باڵای نەوت و گازی حكومەتی هەرێم نرخی بەنزینی لە 900 دینارەوە بۆ 700 دینار دابەزاندو بڕیاریشە لە رۆژی یه‌كشەممەی داهاتوە كاری پێبكرێت.

د.عیزەت سابیر سەرۆكی لیژنەی دارایی و ئابوری پەرلەمانی كوردستان لەبارەی كەمكردنەوەی نرخی لیترێك بەنزین بۆ 700 دینار بە PUKmediaی راگەیاند: وەك سەرۆكی لیژنەی دارایی و ئابوری پەرلەمان دەستخۆشی لەئەنجومەنی باڵای نەوت و گازی هەرێم دەكەم بۆ دابەزاندنی نرخی بەنزین بۆ 700 دینار، ئەمەش هۆكارێكە بۆ كەمكردنەوەی خەرجی خێزانەكان ئەوانەی ئۆتۆمبێلیان هەیە.

وتیشی: بەنزین هەرزان ببێت كاریگەری دەبێت لەسەر دابەزاندنی نرخی سەدان شمەكی بازاڕ كە پەیوەندی راستەوخۆیان بەژیانی هاووڵاتیانەوە هەیە.

PUKmedia تایبەت