250 ملیار دیناره‌كه‌ی به‌غدا گه‌یشته‌ هه‌رێم

رۆژی شه‌ممه‌ موچه‌ی مانگی 12ی ساڵی رابردوو دابه‌شده‌كرێت

250 ملیار دیناره‌كه‌ی به‌غدا گه‌یشته‌ هه‌رێمی كوردستان و بڕیاریشه‌ له‌ رۆژی شه‌ممه‌وه‌ 28-2-2015 ده‌ستبكرێته‌وه‌ به‌دابه‌شكردنی مووچه‌ی مانگی 12ی ساڵی رابردووی ئه‌و وه‌زاره‌تانه‌ی كه‌ مووچه‌یان وه‌رنه‌گرتووه‌.

سه‌رچاوه‌یه‌كی ئاگادار له‌ وه‌زاره‌تی دارایی حكومه‌تی هه‌رێمی كوردستان به‌ PUKmedia ی راگه‌یاند: ئه‌و بڕه‌ پاره‌یه‌ی كه‌ بڕیاربوو حكومه‌تی به‌غدا بینێرێت بۆ هه‌رێمی كوردستان، كه‌ بڕه‌كه‌ی 250 ملیار دیناره‌، گه‌یشته‌ هه‌رێمی كوردستان.

سه‌رچاوه‌كه‌ وتیشی: بڕیاره‌ وه‌زاره‌تی دارایی له‌رۆژی شه‌ممه‌وه‌ ده‌ستبكاته‌وه‌ به‌دابه‌شكردنی مووچه‌ی مانگی 12 ی ساڵی رابردووی ئه‌و وه‌زاره‌تانه‌ی كه‌ تائێستا مووچه‌یان وه‌رنه‌گرتووه‌.

سه‌باره‌ت به‌دابه‌شكردنی مووچه‌ی مانگی یه‌كی فه‌رمانبه‌رانی هه‌رێمی كوردستان، سه‌رچاوه‌كه‌ وتی: تائێستا كاتی دابه‌شكردنی مووچه‌ی مانگی یه‌ك دیارنییه‌.

PUKmedia سه‌فین ئه‌حمه‌د