23 ته‌ن ده‌رمانی كشتوكاڵی قه‌ده‌غه‌كراو ده‌ستی به‌سه‌رداگیرا

23 ته‌ن ده‌رمانی كشتوكاڵی قه‌ده‌غه‌كراو ده‌ستی به‌سه‌رداگیرا

له‌لایه‌ن هێزه‌كانی یاریده‌ده‌رێتی ئاسایشی باشماخه‌وه‌، ده‌ست به‌سه‌ر (23) ته‌ن ده‌رمانی كشتوكاڵی قه‌ده‌غه‌كراودا گیرا.

له‌وباره‌یه‌وه‌، محه‌مه‌د ئه‌حمه‌د، به‌ڕێوه‌به‌ری گومرگی باشماخ، به‌ PUKmediaی  راگه‌یاند: دوای كۆكردنه‌وه‌ی زانیاری له‌سه‌ر دوو ئوتومبێل كه‌ به‌شێوه‌یه‌كی نایاسایی، (23) ته‌ن ده‌رمانی كشتوكاڵی قه‌ده‌غه‌كراویان به‌شێوه‌ی شاراوه‌ له‌ژێر بارێكی باینجاندا شاردبۆوه‌، دواتر رۆژی 28/1/2015 توانرا له‌لایه‌ن هێزه‌كانی یاریده‌ده‌رێتی ئاسایشی مه‌رزی نێوده‌وڵه‌تی باشماخه‌وه‌، ده‌ست به‌سه‌ر ئه‌و دوو ئۆتۆمبێله‌ بارهه‌ڵگره‌دا بگیرێت.

وتیشی: ئه‌و كه‌سانه‌ی كه‌ له‌پشتی هێنانی ئه‌و جۆره‌ ده‌رمانه‌ قه‌ده‌غه‌كراوانه‌ن، سه‌رجه‌میان رووبه‌ڕووی یاسا ده‌كرێنه‌وه‌و به‌پێی یاسا مامه‌ڵه‌یان له‌گه‌ڵدا ده‌كرێت.

PUKmedia رێبین حه‌سه‌ن/ پێنجوێن