riklam

رۆژانه‌ چه‌ندین ئاواره‌ی عه‌ره‌ب چاره‌سه‌ری پزیشكیان بۆ ده‌كرێت

کوردستان 10:54 PM - 2015-01-28
قه‌زای دوكان له‌رووی ته‌ندورستییه‌وه‌ پێشكه‌وتنی به‌رچاوی به‌خۆیه‌وه‌ بینیوه‌

قه‌زای دوكان له‌رووی ته‌ندورستییه‌وه‌ پێشكه‌وتنی به‌رچاوی به‌خۆیه‌وه‌ بینیوه‌

له‌ساڵی ٢٠١٤ دا سه‌ره‌ڕای قه‌یرانی دارایی چه‌ند به‌شێك له‌نه‌خۆشخانه‌ی گشتی شه‌هید غه‌ریب هه‌ڵه‌دنی كراونه‌ته‌وه‌ , به‌ڵام له‌ئێستادا نه‌خۆشخانه‌كه‌ قه‌ره‌باڵغییه‌كی زۆری له‌سه‌ره‌و هاووڵاتیانی قه‌زاكه‌ش چاوه‌ڕوانی خزمه‌تكردنی زیاترن.

دكتۆر زانیار نوری به‌ڕێوه‌به‌ری نه‌خۆشخانه‌ی گشتی شه‌هید غه‌ریب هه‌ڵه‌دنی له‌ دوكان  به‌  PUKmedia ی راگه‌یاند : ئه‌مڕۆ 28-1-2015  سیمینارێك رێكخرا كه‌ تێیدا قائیمقامی قه‌زاكه‌و ژماره‌یه‌ك له‌لێپرسراوی فه‌رمانگه‌كان و چالاكوان و رۆشنبیران و لایه‌نه‌ سیاسیه‌كان ئاماده‌یبوون, ئامانجمان له‌و سیمیناره‌ خستنه‌ڕووی گرفت و كارو چالاكیه‌كانمان بوو, چونكه‌ به‌شێك له‌هاووڵاتیانی قه‌زاكه‌ نیگه‌ران بوون له‌وه‌ی كه‌ نه‌خۆشخانه‌كه‌ قه‌ره‌باڵغه‌وه‌ ستافی پزیشك و كارمه‌ندمان كه‌مه‌، بۆیه‌ به‌ باشمانزانی روونكردنه‌وه‌ بده‌ین له‌و باره‌یه‌وه‌, نه‌خۆشخانه‌ی شه‌هید غه‌ریب هه‌ڵه‌دنی دوكان به‌ به‌راورد به‌ ساڵی ٢٠١٣  به‌شی نه‌شته‌رگه‌ری و مناڵبوون و بانكی خوێن و به‌شی نه‌خۆشی سیل-ی تێدا كراوه‌ته‌وه‌, له‌ئێستاشدا نه‌خۆشخانه‌كه‌مان به‌ هۆی ئه‌و رێژه‌ زۆره‌ی ئاواره‌ عه‌ره‌به‌كانه‌وه‌ قه‌ره‌باڵغه‌و رۆژانه‌ به‌ لایه‌نی كه‌مه‌وه‌ ٢٠٠ نه‌خۆشی عه‌ره‌ب سه‌ردانمان ده‌كه‌ن و چاره‌سه‌ری پزیشكی وه‌رده‌گرن, ئه‌مه‌ش وایكردوه‌ قه‌ره‌باڵغی به‌ نه‌خۆشخانه‌كه‌مانه‌وه‌ دیار بێت، به‌ڵام ئێمه‌ پاڵشت به‌ وه‌زیری ته‌ندورستی و فه‌رمانگه‌ی گشتی ته‌ندورستی سلێمانی له‌ هه‌وڵدا ده‌بین بۆ چاره‌سه‌ر كردنی گرفته‌كان و له‌ ٢٠١٥ داپلانمان هه‌یه‌ زیاتر له‌رووی ته‌ندورستیه‌وه‌ خزمه‌تی سنوره‌كه‌ بكه‌ین .

هه‌ر له‌و باره‌یه‌وه‌  ئاسۆ به‌كر قائیمقامی قه‌زای دوكان به‌ PUKmedia  ی راگه‌یاند:  زۆر سوپاسی پزیشك و كارمه‌ندانی نه‌خۆشخانه‌ی شه‌هید غه‌ریب هه‌ڵه‌دنی ده‌كه‌م كه‌ زۆر به‌ دڵسۆزیه‌وه‌ كاره‌كانیان راپه‌ڕاندوه‌ , هه‌روه‌ها هاووڵاتیانی ئیداره‌ی قه‌زاكه‌ دڵنیا ده‌كه‌ینه‌وه‌ كه‌ به‌رده‌وام ده‌بین له‌ داواكردنی پزیشكی پسپۆڕ و كامه‌ندی ته‌ندروستی و كردنه‌وه‌ چه‌ند به‌شێكی تر, هه‌روه‌ها سوپاسی دكتۆر زانیار و دكتۆر سائر ده‌كه‌م كه‌ ماوه‌ی یه‌ك ساڵه‌ بێبه‌رامبه‌ ئستنشاری نه‌خۆشخانه‌كه‌ به‌ڕیوه‌ده‌به‌ن و عه‌یاده‌ی تایبه‌تی خۆیان داخستوه‌ له‌پێناو خزمه‌تی خه‌ڵك.

به‌شێك له‌هاووڵاتیانی قه‌زاكه‌ش ئاماژه‌ بۆ ئه‌وه‌ ده‌كه‌ن كه‌ قه‌زای دوكان و ده‌وروبه‌ری له‌رووی ته‌ندورستییه‌وه‌ پێشكه‌وتنی به‌رچاوی به‌خۆیه‌وه‌ بینیوه‌، به‌ڵام پێویسته‌ له‌سه‌ر حكومه‌تی هه‌رێم تایبه‌تمه‌ندی قه‌زاكه‌ له‌به‌رچاو بگرێت، به‌وپێیه‌ی رێژه‌یه‌كی زۆر ئاواره‌ی عه‌ره‌ب له‌ سه‌نته‌ری قه‌زاكه‌ نیشته‌جێبون كه‌ زیاتر له‌ ١٢٠٠ خێزان ده‌بێت و ئه‌مه‌ش وایكردوه‌ نه‌خۆشخانه‌ كه‌ رۆژانه‌ قه‌ره‌باڵغی به‌خۆیه‌وه‌ ببینێت .

PUKmedia شاڵاو ئه‌حمه‌د/ دوكان

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket