18 راستیی سه‌رسوڕهێن سه‌باره‌ت به‌ ژاپۆن

18 راستیی سه‌رسوڕهێن سه‌باره‌ت به‌ ژاپۆن

1. سه‌ماكردن له‌دره‌نگانی شه‌ودا كارێكی نایاساییه‌.
2. هه‌موو ساڵێك 1500 بومه‌له‌رزه‌ ئه‌م وڵاته‌ ده‌هه‌ژێنێت.
3. زیاتر له‌ 50 هه‌زار كه‌سی ئه‌م وڵاته‌، ته‌مه‌نیان له‌سه‌روو 100 ساڵه‌وه‌یه‌.
4. له‌م وڵاته‌ گه‌وره‌یه‌دا ساڵانه‌ ته‌نها دوو كه‌س به‌ ده‌مانچه‌ ده‌كوژرێن.
5. به‌ته‌مه‌نترین كۆمپانیا له‌سه‌ر ئاستی جیهان له‌م وڵاته‌دا بووه‌ كه‌ له‌ساڵی 578ی زایینییه‌وه‌ تا 2006 كاریكردووه‌.
6. ئه‌م وڵاته‌ زیاتر له‌ 6800 دورگه‌ پێكهاتووه‌.
7. شه‌مه‌نده‌فه‌ره‌كانی له‌ ‌رێكوپێكترین شه‌مه‌نده‌فه‌ره‌كانن له‌سه‌ر ئاستی جیهان و تێكڕای ناوه‌ندیی دواكه‌وتنیان ته‌نها 18 چركه‌یه‌.
8. جوتیاره‌كانی ئه‌م وڵاته‌ شوتی چوارگۆشه‌ به‌رهه‌مده‌هێنن تا بۆ هه‌ڵگرتن و خه‌زنكردن ئاسان بێت.
9. ژماره‌ی گیانداره‌ ماڵییه‌كان له‌منداڵان زیاتره‌.
10. رێژه‌ی له‌دایكبوون له‌م وڵاته‌دا هێنده‌ نزمه‌ به‌شێوه‌یه‌ك كه‌ دایبیی گه‌وره‌ له‌هی منداڵ زیاتر ده‌فرۆشرێت.
11. ئه‌و هاووڵاتیه‌ ژاپۆنییه‌ی له‌دوای روداوی تایتانیكدا رزگاری بوو، له‌ناو خودی وڵاته‌كه‌یدا پێی ده‌ڵێن ترسنۆك چونكه‌ له‌گه‌ڵ سه‌رنیشنه‌كانی تری كه‌شتییه‌كه‌دا نه‌مردووه‌.
12. له‌ 90 %ی ئه‌و مۆبایلانه‌ی خه‌ڵكی ئه‌م وڵاته‌ به‌كاری ده‌هێنن دژه‌ ئاوه‌ چونكه‌ هه‌رزه‌كاره‌كانیان ته‌نانه‌ت له‌كاتی خۆشۆردنیشدا به‌كاری ده‌هێنن.
13. له‌م وڵاته‌و كۆریاش جۆره‌ قاوه‌خانه‌یه‌ك هه‌یه‌ كه‌ ‌پێی ده‌ڵێن قاوه‌خانه‌ی پشیله‌و تێیدا ده‌توانیت قاوه‌ بخۆیته‌وه‌و ماوه‌ی چه‌ند سه‌عاتێك له‌گه‌ڵ پشیله‌دا به‌سه‌ر ببه‌یت.
14. خه‌وتن له‌كاتی كاردا رێپێدراوه‌ له‌م وڵاته‌دا وه‌ك شێوازێكی حه‌وانه‌وه‌ سه‌یرده‌كرێت.
15. له‌میانه‌ی جه‌نگی جیهانی دووه‌مدا ئه‌م وڵاته‌ چینی به‌ جۆره‌ كێچێكی توشبو به‌ تاعونی ره‌ش بۆردومانكرد.
16. به‌هۆی كێشه‌یان له‌سه‌ر دورگه‌كانی كوڕیڵ، تائێستا ژاپۆن و روسیا په‌یماننامه‌ی ئاشتی بۆ كۆتاییهێنان به‌ جه‌نگی جیهانی دووه‌میان ئیمزا نه‌كردووه‌.
17. له‌م وڵاته‌دا مامۆستاو خوێندكاره‌كان پێكه‌وه‌ ژوری پۆل و كافتریاكان پاكده‌كه‌نه‌وه‌.
18. ژماره‌ی ئه‌و چینییانه‌ی له‌جه‌نگی جیهانی دووه‌مدا له‌لایه‌ن ژاپۆنییه‌كانه‌وه‌ كوژران، له‌ژماره‌ی جوله‌كه‌ كوژراوه‌كانی هۆڵۆكۆست زیاتره‌.

PUKmedia وه‌رگێڕانی له‌ئینگلیزییه‌وه‌/ والی عه‌لی

سه‌رچاوه‌ factslides. com