كهنهدا.. كۆڕێكی ئهدهبی بۆ شاعیرانی تاراوگه سازدهكرێت
تاراوگە 10:48 AM - 2015-01-27ئێواره كۆڕێك بۆ شاعیرانی كورد (جهلال عهبدوڵڵاو محهمهد دوزلی و هێمن رهئوف)
به ئامادهبوونی ژمارهیهكی بهرچاوی هۆگرانی شیعری كوردی، رۆژی 25-1-2015 له شاری تورونتۆ رێكخراوی كلتوری كوردستانیانی كهنهدا ئێواره كۆڕێكی شیعری بۆ شاعیرانی كورد (جهلال عهبدوڵڵا و محهمهد دوزلی و هێمن رهئوف) سازكرد.
سهرهتا خهجاو نوری بهخێرهاتنی ئامادهبووانی كردو پاشان كورته باسێكی ژیاننامهی شاعیرهكانی پێشكهشكرد.
دواتر گۆران عهبدوڵڵا سهرۆكی رێكخراوی كلتوری كوردستانیانی كهنهدا له وتهیهكدا مێژووی ئهدهب و شیعری به بهشێكی دانهبڕاو له ئیلهامی ئینسان وهسفكرد.
ههروهها سهبارهت به رۆڵی شیعر له شۆڕشدا، سهرۆكی رێكخراوی كلتوری كهنهدا وتی: "شیعر له بڕگهكانی پێشودا ههمیشه لهپاڵ شۆڕشدا حزوری ههبووه، هیچ شۆڕشێك بهبێ شاعیرو ئهدهب نهیتوانیوه سهركهوتووانه ههنگاو بنێت، واته شۆڕش لهڕێی ئهدهبهوه جوانتر خۆی به خهڵك ناسیوه چونكه شاعیر بهشێكه له كۆمهڵگهو شۆڕش، شاعیرو ئهدیبی زیندووش ئهوهیه كه ههمیشه لهپهنای خهڵكدا بێ".
پاشان شاعیران تێكسته ناسكهكانی شیعری سروشت و ئهڤینی و خۆڕاگری شۆڕشگێرییان پێشكهش به ئامادهبووان كرد.
پێشهكی جهلال عهبدوڵڵا چهند پارچه شیعرێكی لهسهر خۆڕاگری كۆبانێ، رۆڵی ژن له كۆمهڵگادا پێشكهشكرد.
جهلال عهبدوڵڵا له شیعرهكانیدا ههستی خۆی وا نیشاندا شیعر واتا "خهیاڵی جوان، بیرهوهری غوربهت و سروشت و ئافرهت، گێڕانهوهی مێژوو"،.
جهلالی شاعیر له لێدوانێكدا بۆ PUKmedia رایگهیاند كه ههر لهمنداڵییهوه هۆگری شیعرو ئهدهب بووه، یهكهم هۆنراوهشی بهناوی "تارای بۆكێنی كهركوك" له ئێزگهی دهنگی شۆڕشی كوردستان خوێنراوهتهوه.
وتیشی: رۆمانێكی 450 لاپهڕهیی بهناوی "سهگهكانی ئهلیساو براكهی ئهلاندرۆ" كه 31 چیرۆكی لهخۆگرتووه ئامادهیه بۆ چاپكردن.
پاشان محهمهد غهفور شهریف ناسراو به حهمه دوزی، به هۆنراوهیهكی سۆزی دایك دهستیپێكردو دواتر چهند پارچهیهك لهسهر كۆبانێ و ئازارهكانی ئهنفال و ئازادی مرۆڤ پێشكهشكرد.
حهمه دوزلی گهرمیان ههر له گهنجییهوه به شیعرهكانی گۆران و شێركۆ بێكهس و نالی و مهولهوی سهرسام بووه، ههروهها شاڵاوی ئهنفالیش له ژیانی كۆمهڵایهتی و ئهدهبی ئهودا رهنگیداوهتهوه، وهكو خۆی باسیكرد زیاتر له 40 كهس له كهسوكاری بهر شاڵاوی ئهنفال كهوتوون.
دوا تهوهری كۆڕهكه تهرخانكرا بۆ شاعیری گهنج هێمن رهئوف، ئهویش به چهند كۆپلهیهكی شیعری ناسكی سروشت و خۆشهویستی منداڵ و شههیدانی قهڵهم سوارهو سهردهشت و كاوه گهرمیانی پێشكهشكرد.
هێمن رهئوفی شارباژێڕ ماوهی 10 ساڵه وهكو شاعیر و نووسهرێكی سهربهخۆو رادیكاڵ دهركهوتووه، له زۆربهی ماڵپهڕو گۆڤارو رۆژنامهكاندا دهقه ئهدهبی و وتارو رهخنهكانی بڵاوكراونهتهوه، ئێستاش چوار پهڕتوكی بۆ چاپ ئامادهیه، سیانیان تایبهته به شیعرو پهخشان و چوارهمیشیان لهسهر رووداوهكانی 17ی شوباته.
له كۆتاییدا ئامادهبووان دهستخۆشیان له ههست و سۆزی شاعیران كردو سوپاسی رێكخراوی كلتوری كوردستانیانی كهنهداشیان كرد بۆ رێكخستنی ئێواره شیعری كوردی.
PUKmedia عوسمان عهلی - تورونتۆ
هەواڵی زیاتر
-
سەرۆک بافڵ بەشداری پرسەی هەڤاڵ عەلی شامار تێکۆشەری دێرین دەکات
07:37 PM - 2024-04-23 -
کوردێک دەبێتە بەڕێوەبەری بەڕێوەبەرایەتیی وەبەرهێنانی سەلاحەدین
04:11 PM - 2024-04-23 -
فەرماندەی هێزەکانی ئەڵمانیا لەسەر مەزاری مام کۆتایی بە ئەرکەکەی هێنا
12:02 PM - 2024-04-23 -
لێپرسراوی نوێی مەڵبەندی چەمچەماڵی یەکێتی دەستبەکار دەبێت
10:52 AM - 2024-04-23
ئەمانەش ببینە
PUKMEDIA بهشێك لهگفتوگۆكانی كۆبوونهوهی سودانی و بلینكن بڵاودهكاتهوه
03:28 PM - 2024-04-23
قوباد تاڵەبانی داوای لابردنی گەمارۆی سەر فڕۆکەخانەی سلێمانی دەکات
11:33 AM - 2024-04-23
ئەمڕۆ خەڵاتی زێرینی بلە دابەشدەکرێت
09:29 AM - 2024-04-23
سەرۆککۆماری عیراق و تورکیا: کێشەکان بە دیالۆگ چارەسەربکرێن
03:19 PM - 2024-04-22
زۆرترین خوێنراو
-
سەرۆک بافڵ بەشداری پرسەی هەڤاڵ عەلی شامار تێکۆشەری دێرین دەکات
کوردستان 07:37 PM - 2024-04-23 -
پرسەنامەی شاڵاو کۆسرەت رەسوڵ بۆ خانەوادەی مامۆستا جەمال هیدایەت
پرسەنامە 06:36 PM - 2024-04-23 -
خەڵاتی زێڕینی بلە بە 10 کەسایەتی نمونەیی بەخشرا
کوردستان 04:30 PM - 2024-04-23 -
کوردێک دەبێتە بەڕێوەبەری بەڕێوەبەرایەتیی وەبەرهێنانی سەلاحەدین
کوردستان 04:11 PM - 2024-04-23 -
PUKMEDIA بهشێك لهگفتوگۆكانی كۆبوونهوهی سودانی و بلینكن بڵاودهكاتهوه
کوردستان 03:28 PM - 2024-04-23 -
فەرماندەی هێزەکانی ئەڵمانیا لەسەر مەزاری مام کۆتایی بە ئەرکەکەی هێنا
کوردستان 12:02 PM - 2024-04-23 -
قوباد تاڵەبانی داوای لابردنی گەمارۆی سەر فڕۆکەخانەی سلێمانی دەکات
کوردستان 11:33 AM - 2024-04-23 -
لێپرسراوی نوێی مەڵبەندی چەمچەماڵی یەکێتی دەستبەکار دەبێت
ی ن ک 10:52 AM - 2024-04-23