هه‌ولێر.. ئه‌و كه‌سه‌ی فێڵی له‌شۆفێری تاكسییه‌كان ده‌كرد ده‌ستگیركرا

تاوانبار و. م. ع

پۆلیسی نه‌هێشتنی تاوان، توانی ئه‌و تاوانباره‌ ده‌ستگیر بكات، كه‌ ماوه‌یه‌ك بوو به‌شێكی زۆر له‌شۆفێرانی شاری هه‌ولێری هه‌ڵخه‌ڵه‌تاندبوو.

رائید كاروان خۆشناو وته‌بێژی پۆلیسی هه‌ولێر به‌ PUKmedia ی راگه‌یاند: ئه‌و تاوانباره‌ ده‌ستگیركرا كه‌ فێڵی له‌به‌شكی زۆر له‌شۆفێرانی شاری هه‌ولێر كردبوو.

وتیشی: تاوانباره‌كه‌ به‌ ناوی (میرخان) خۆی به‌شۆفێره‌كان ده‌ناساندو دواتر وا خۆی نیشانده‌دا كه‌ له‌لای به‌رپرسێكی باڵای حكومه‌ت كارده‌كات، پاشان به‌و بیانوه‌وه‌ پاره‌ی له‌شۆفێره‌كان وه‌رده‌گرت و دواتر خۆی ونده‌كرد.

وته‌بێژی پۆلیسی هه‌ولێر ده‌شڵێت: داواكارین له‌و كه‌سانه‌ی كه‌ به‌م شێوه‌یه‌ فێڵیان لێكراوه‌ سه‌ردانی پۆلیسی نه‌هێشتنی تاوان له‌شاری هه‌ولێر بكه‌ن، به‌مه‌به‌ستی تۆماركردنی سكاڵا له‌سه‌ر ئه‌و تاوانباره‌.

PUKmedia دیار ستار