چیك هاوكاری سه‌ربازی ره‌وانه‌ی هه‌رێم ده‌كات

نرخی ئه‌و هاوكارییه‌ سه‌ربازییه‌ 41 ملیۆن كرۆنی چیكییه‌

كۆماری چیك له‌رێگه‌ی فڕۆكه‌یه‌كی ئه‌مریكیه‌وه‌ هاوكاری سه‌ربازی ره‌وانه‌ی هه‌رێمی كوردستان ده‌كات بۆ روبه‌ڕوبونه‌وه‌ ی تیرۆرستانی داعش.

 رادیۆی براگی سه‌ربه‌ كۆماری چیك ئه‌مڕۆ 21-12-2014 له‌هه‌واڵێكیدا رایگه‌یاندووه‌: له‌به‌یاننامه‌یه‌كدا وته‌بێژی سه‌ره‌كی سه‌رۆكایه‌تی ئه‌ركانی سوپای چیك ئاماژه‌ بۆ ناردنی فڕۆكه‌یه‌كی هاوكاری سه‌ربازی بۆ هه‌رێمی كوردستان ده‌كات ئه‌ویش له‌رێگه‌یه‌ی فڕۆكه‌یه‌كی سه‌ربازی ئه‌مریكیه‌وه‌.

رونیشكردووه‌ته‌وه‌: ئه‌و هاوكارییه‌ سه‌ربازیه‌ پێكهاتووه‌ له‌ 5 هه‌زار گوللـه‌ی تانك و ره‌وانه‌ی شاری هه‌ولێر ده‌كرێت.

ئاماژه‌ی بۆ ئه‌وه‌شكردووه‌: ئامانج له‌و هاوكاریانه‌ بۆ روبه‌ڕوبونه‌وه‌ی گروپی تیرۆرستی داعشه‌و نرخه‌كه‌شی 41 ملیۆن كرۆنی چیكییه‌ كه‌ ئه‌مه‌ دووه‌م به‌شی هاوكاریه‌كانی كۆماری چیكه‌ ره‌وانه‌ی هه‌رێمی كوردستان ده‌كرێت.

PUKmedia   سامان یاروه‌یس