riklam

داواده‌كرێت موچه‌ی چاودێری خێزان ژنانی نێو چاكسازی بگرێته‌وه‌

kurdistani 11:09 AM - 2014-12-21
په‌له‌ بكرێت له‌ نوێكردنه‌وه‌و كردنه‌وه‌ی به‌شی نوێ له‌و چاكسازییه‌دا

په‌له‌ بكرێت له‌ نوێكردنه‌وه‌و كردنه‌وه‌ی به‌شی نوێ له‌و چاكسازییه‌دا

له‌ سه‌ردانێكی PUKmedia دا بۆ چاكسازی منداڵان و ژنان له‌ سلێمانی، به‌ڕێوه‌به‌ری ئه‌و چاكسازییه‌ چه‌ند داواكارییه‌كی هه‌بوو كه‌ داوای جێبه‌جێكردنی ده‌كرد له‌ پێناو باشتر به‌ڕێوه‌بردنی كاروباره‌كانیان و باشتربوونی ره‌وشی منداڵان و ژنانی ناو چاكسازییه‌كه‌.

داواكاریی یه‌كه‌میان بریتیبوو له‌وه‌ی كه‌ بیناكه‌یان كۆنه‌و بچوكه‌، پێویستیان به‌ به‌شی زیاترو نوێكردنه‌وه‌یان هه‌یه‌، چونكه‌ بیناكه‌یان بینایه‌كی سه‌ربازگه‌یه‌و هیچ سیستمێكی چاكسازی تێدا نییه‌، كه‌ پێشتر كاری بۆ كراوه‌ به‌ڵام له‌به‌ر ئه‌م قه‌یرانی داراییه‌ی هه‌رێمی گرتووه‌ته‌وه‌ راگیراوه‌، بۆ ئه‌و مه‌به‌سته‌ش په‌یوه‌ندیمان كرد به‌ مریه‌م سه‌مه‌د په‌رله‌مانتاری فراكسیۆنی سه‌وز له‌ په‌رله‌مانی كوردستان كه‌ هاوكات ئه‌ندامی لیژنه‌ی ژنانه‌، رایگه‌یاند: وه‌ك ئه‌ندامێكی لیژنه‌ی ژنان له‌ په‌رله‌مانی كوردستان داوا له‌لایه‌نه‌ په‌یوه‌ندیداره‌كان ده‌كه‌م كه‌ له‌ پێناو باشتركردنی ره‌وشی ئه‌و منداڵ و ژنانه‌ی له‌نێو ئه‌و چاكسازییه‌دا ژیان به‌ڕێده‌كه‌ن، په‌له‌ بكرێت له‌ نوێكردنه‌وه‌و كردنه‌وه‌ی به‌شی نوێ له‌و چاكسازییه‌داو داواكارییه‌كانیان جێبه‌جێبكرێت.

له‌ باره‌ی داواكاری دووه‌میشه‌وه‌ كه‌ بریتیبوو له‌وه‌ی موچه‌ی چاودێری خێزان كه‌ ژنانی نێو ئه‌و چاكسازییه‌ به‌رده‌وام داوایده‌كه‌ن، هه‌روه‌ك پێشتر نزیكه‌ی دوو ساڵ هه‌یانبووه‌ به‌ڵام ئێستا بڕدراوه‌ به‌ بیانووی ئه‌وه‌ی خاڵه‌كانی نێو سیستمی موچه‌ی چاودێری خێزان له‌گه‌ڵ حاڵه‌ته‌كانی ئه‌و چاكسازییه‌ رێكناكه‌وێت، بۆ نموونه‌ یه‌كێك له‌ خاڵه‌كان ئه‌وه‌یه‌ ده‌بێت ئه‌و ژنه‌ بێوه‌ژن بێت، له‌وێ راسته‌ ئه‌و ژنه‌ بێوه‌ژنه‌، به‌ڵام هه‌وێی باری شارستانییه‌كه‌ی بۆ نه‌گۆڕدراوه‌و به‌ بێوه‌ژن نه‌نوسراوه‌، جا به‌هه‌ر هۆكارێك بێت، بۆ نموونه‌ ماڵی خه‌زورانی رازی نین، بۆیه‌ ئه‌وجۆره‌ كێشانه‌ وایكردووه‌ كه‌ ئه‌و موچه‌یه‌ به‌و ژنه‌ سزادراوانه‌ نه‌درێت، كه‌ به‌ڕێوه‌به‌رایه‌تی چاكسازی منداڵان و ژنان پێشتر داوایكردووه‌و به‌رزیان كردووه‌ته‌وه‌ بۆ وه‌زاره‌تی ناوخۆ، ئه‌و بڕیاره‌ش له‌ ئه‌نجومه‌نی وه‌زیران ده‌رچووه‌، داوا ده‌كات هه‌وڵبدرێت به‌ ده‌ركردنی ئه‌م سزادراوانه‌ی چاكسازییه‌كان له‌ رێنمایی چاودێری خێزان.
له‌وباره‌یه‌وه‌ په‌رله‌مانتار مریه‌م سه‌مه‌د رایگه‌یاند: ئێمه‌ش له‌گه‌ڵ ئه‌و داواكارییه‌ی چاكسازی منداڵان و ژنانین، داوا ده‌كه‌م كه‌ بۆ له‌مه‌ولا ئه‌و موچه‌یه‌ ژنانی نێو چاكسازییه‌كان بگرێته‌وه‌و بتوانن به‌شێك له‌ پێداویستییه‌كانی خۆیانی پێ دابین بده‌ن.

PUKmedia رێپۆرتاژێكی سه‌باره‌ت به‌ ره‌وشی ئه‌و ژن و منداڵانه‌ی نێو به‌ڕێوه‌به‌رایه‌تی چاكسازی منداڵان و ژنانی سلێمانی ئاماده‌كردووه‌، كه‌ تیایدا چه‌ندین پرس تاووتوێكراوه‌و باس له‌ چۆنییه‌تی كات به‌سه‌ربردنیان و ئه‌و كارانه‌ی ده‌یكه‌ن و بنه‌ماو سیستمه‌كانیان كراوه‌، كه‌ له‌ ماوه‌یه‌كی نزیكدا بڵاوده‌كرێته‌وه‌.

PUKmedia  لانه‌ كاشان

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket