ئه‌لـمانیا سێ ترومبێلێن بۆ رێڤه‌به‌ریا گشتی ساخله‌میا دهوكێ دابین كرن

رولێ ساخله‌میێ د ڤان كاودانا یێ به‌رچاڤه‌

ژبۆ زێده‌تر هاریكاری كرنا پێتدڤیێن نوشداری بۆ كه‌رتێ ساخله‌میێ ل پارێزگه‌ها دهوكێ حكومه‌تا ئه‌لـمانیا ب هه‌ماهه‌نگی دگه‌ل لیژنا هه‌وارهاتنێ و رێڤه‌به‌ریا گشتی ساخله‌میا دهوكێ سێ ترومبێلێن هه‌وارهاتنێ بۆ رێڤه‌به‌ریا گشتی ساخله‌میا دهوكێ دابین كرن.

هه‌ڤال محه‌مه‌د ئه‌ندامێ لیژنا هه‌وارهاتنێ ل پارێزگه‌ها دهوكێ دیاركر: رێكخراوا German) humanitarian assistance ) یا حكومه‌تا ئه‌لـمانیا گه‌را دووێ یا ئینانا ترومبێلێن هه‌وارهاتنێ بۆ رێڤه‌به‌ریا گشتی ساخله‌میا دهوكێ دئینیت، كو ئێك ژ پروگرامێن هاریكاری كرنا ئاواره‌یان بوویه‌ ل پارێزگه‌ها دهوكێ و ئه‌ڤه‌ هاریكاریێن حكومه‌تا ئه‌لـمانیایه‌ ب هه‌ماهه‌نگی دگه‌ل رێڤه‌به‌ریا گشتی ساخله‌میا دهوكێ و لیژنا هه‌وارهاتنێ ل پارێزگه‌هێ دا كو باشتر خزمه‌تا ڤان ئاواه‌یان بهێته‌ كرن.

گوتژی: به‌ری ماوه‌یه‌كێ ژی سێ ترومبێلێن هه‌وارهاتنێ دی هاتبوون كو ئه‌و ژی هاتنه‌ پێشكێش كرن بۆ ساخله‌میا دهوكێ ژبه‌ر كو رولێ ساخله‌میێ د ڤان كاودانا یێ به‌رچاڤه‌.

ل دۆر پروژێن بهێت ئه‌ندامێ لیژنا هه‌وارهاتنێ ئاشكرا كر: ئه‌م دێ هه‌می هه‌ولا دده‌ین دگه‌ل هه‌می دام ده‌زگه‌هێن نیڤ ده‌وله‌تی و رێكخراوێن هاریكاریان پێشكێش دكه‌ نكو زێده‌تر رولێ خوه‌ببینن و هاریكاریا بگه‌هینه‌ ئاواره‌یێن پارێزگه‌ها دهوكێ.

PUKmedia نـژیـار نـێـروه‌یـی ـ دهـۆك