مهلا بهختیار: یهكڕیزی رۆژئاوا سهلمێنهری ئایندهیهكی گهشه
kurdistani 07:30 PM - 2014-12-18رۆژئاوای كوردستان ههنگاوی باشی ناوه بهڵام هێشتا مهترسی لهسهره
ئهمڕۆ 18-12-2014 ههڤاڵ مهلا بهختیار، لێپرسراوی دهستهی كارگێڕی، لهبارهگای مهكتهبی سیاسی، پێشوازی كرد، لهوهفدێكی پارتی دیموكراتی كوردستان-سوریا، كه پێكهاتبوون له عهبدولكهریم سهگو، سكرتێرو عهبدولباقی ئیسماعیل و جوان سهگو، ئهندامانی مهكتهبی سیاسی پارتهكهو لهدیدارێكی دۆستانهشدا، كه بهئامادهبوونی ههڤاڵ خالید خدر، ئهندامی مهكتهبی پهیوهندییهكانی كوردستانی و غهریب حهسۆ، نوێنهری رۆژئاوای كوردستان، لهههرێمی كوردستان و لهدیدارێكی دۆستانهشدا، ههڤاڵ مهلا بهختیار، بهناوی مهكتهبی سیاسییهوه بهخێرهاتنی لێكردن و خۆشحاڵیشی نیشاندا كه حزبی دیموكراتی كوردستان- سوریا بهشداری كانتۆنهكانی رۆژئاوای كوردستانیان كردووهو بهئاماژهكردنیش بۆ رێككهوتنی نێوان پارت و لایهنه سیاسییهكانی رۆژئاوای كوردستان، كه لهماوهی رابردوودا و لهشاری دهۆك ئهنجامدرا، پهیوهندییه سیاسییهكانی رۆژئاوای كوردستانی ههڵسهنگاند و ئومێدیشی خواست، كه سهرجهم پارت و لایهنه سیاسییهكان، یهكدهنگ و یهك ههڵوێست بن و بڕیارو رێككهوتنه هاوبهشهكانیان جێ بهجێ بكهن و لهو چوارچێوهیهشدا قۆناغی ئێستای ناوچهكه، بهتایبهت باكورو رۆژئاوای كوردستانی بهههستیار خوێندهوه.
وتیشی: ئهگهرچی لهباشور، قۆناغێكی باش چوینهته پێشهوه، بهڵام هێشتا بارودۆخهكه لهڕۆژئاوا نهچهسپیوهو دانی رهسمی بهدهستكهوته بهدیهاتووهكاندا نهنراوهو رونیشیكردهوه، كه هێشتا ململانێ و كێشمهكێشی زۆر لهبهردهمدا ماوه.
هاوپهیوهند بهههڵسهنگاندنی بهشهكانی تری كوردستان، ئاماژهی بۆ باكوری كوردستان كردو لهوبارهیهوه، رایگهیاند: تائێستا گفتوگۆی باكور نهگهیشتۆته ئاستێك كه دڵمان پێی خۆشبێ و ئهوهی تائێستاش هاتۆتهدی، لهرۆژئاوا باشتره بهراورد بهباكور و رۆژههڵات، لهو رووهشهوه، ئاماژهی بهكانتۆنهكانی رۆژئاوای كوردستان كرد، ئهگهرچی هێشتا بهتهواوهتی شهرعییهتی وهرنهگرتووه، بهڵام كهمه كهمه لهههنگاونان و كاری بهردهوامدان و ئهمهشی بهسهرهتایهكی باش زانی، كه بتوانرێت بههۆیانهوه خزمهت بهرۆژئاوای كوردستان بكهن و كارو خهباتی بهردهوامیش بكهن، بۆ ئهوهی دانپیادانانی نێودهوڵهتی بهكانتۆنهكان بێته ئاراوه.
ههروهك ههڵوێست و سیاسهتی نوێی نێودهوڵهتی و لهنێویاندا ئیتاڵیا سهبارهت به بهشهكانی كوردستان، بهتایبهت باكورو رۆژئاوای كوردستان، بهبایهخهوه خوێندهوه و سهرنجهكانی خۆیشی لهبارهیهوه خستهڕوو، كه دهتوانرێت سود لهم دهرفهته وهربگیرێت بۆ خزمهتكردن بهپرسی نهتهوهكهمان و بهدیهێنانی ئامانجهكان لهو بهشانهی كوردستان و تیایدا جهختی لهوهش كردهوه، كه بارودۆخی ئێستای بهشهكانی تری كوردستان، جیاوازه لهبارودۆخی باشوری كوردستان لهدوای راپهڕین و دانپیادانانی نێودهوڵهتی و بڕیاری (688) و هێڵی (36)ی لهوكاتهدا بهدیوارێكی گرنگ بۆ پاراستنی باشوری كوردستان پێناسهكرد.
لهو روانگهیهشی كه رۆژئاوا ئهگهرچی ههنگاوێكی باش چۆته پیشهوه و بهڵام هێشتا مهترسی ماوه، رایگهیاند: ساڵی (2015)، ساڵێكی چارهنووساز دهبێت بۆ رۆژئاوای كوردستان و ئومێدیشی خواست، كه ئهو بهشهی كوردستان بهشێوهیهك گهشه بكات و بهرهو پێشهوه بڕوات، كه لهرۆژئاواوه، دیموكراسی، بۆ ناوچهكانی تری سوریا و دهوروبهی بڕوات و ببێته نمونهیهكی جوانی تری دیموكراسی لهناوچهكهدا.
دوپاتیكردهوه كه: یهكڕیزی و یهكههڵوێستی، گرهنتی ئاییندهیهكی گهشه بۆ رۆژئاوای كوردستان. وتیشی: بههیوام سهركهوتن بهسهر داعشدا، سهركهوتنی سیاسی بهدیبهێنێ و دوای ئهوهش رۆژئاوای ئهوروپا و نهتهوه یهكگرتووهكان هیممهت بكهن بۆ ئاوهدان كردنهوهی كۆبانی و شارو شارۆچكهكانی تری رۆژئاوای كوردستان.
لهبهرامبهر پێشوازیی و سهرنج و خوێندنهوهكانیشدا، عهبدولكهریم سهگو، سكرتێری پارتی دیموكراتی كوردستان-سوریا، بهناوی پارتهكهیهوه سوپاسی ئاراستهی ههڤاڵ لێپرسراوی دهستهی كارگێڕی كردو سهبارهت بهكاروباری كانتۆنهكانیش ئاماژهی بهوهكرد، كه لهكانتۆنهكانی رۆژئاوای كوردستاندا، نزیكهی چل یاسا دهرچووهو چۆته بواری جێبهجێكردنهوه.
رونیشیكردهوه: كه رێژهی له(40%) لهپهرلهمان كانتۆنهكان بۆ ژنان تهرخانكراوه و لهو روانگهیهشهوه، رایگهیاند كه یهك حزبی لهرۆژئاوای كوردستان بوونی نییهو رێككهوتنی لایهن و هێزه سیاسییهكانی رۆژئاواشی بهگرنگ و بایهخدار بۆ بهڕێوهبردنی كاری كانتۆنهكان و پهیوهندی نێوان هێزو لایهنهكان ناوبرد، بهتایبهت لهپێناو كهمكردنهوهی ناكۆكییهكان و وتیشی: شهڕی ناوخۆی باشوری كوردستان، بوو بهپهند و ئهزمونێك بۆ ئێمه.
PUKmedia راگهیاندنی ههڤاڵ لێپرسراوی دهستهی كارگێڕی
هەواڵی زیاتر
-
نوسینگەی مەکتەبی سیاسی لەبەغدا کرایەوە
08:08 PM - 2024-04-24 -
شاڵاو کۆسرەت رەسوڵ: یەکێتی ئامادەیە بۆ هەڵبژاردن
07:39 PM - 2024-04-24 -
ئاسایشی ههولێر گهنجێك دهكوژێت و بنهماڵهكهی داوای روونكردنهوه دهكهن
06:05 PM - 2024-04-24 -
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
04:46 PM - 2024-04-24
ئەمانەش ببینە
کوردستان 05:13 PM - 2024-04-24 لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
خەڵاتی زێڕینی بلە بە 10 کەسایەتی نمونەیی بەخشرا
04:30 PM - 2024-04-23
زۆرترین خوێنراو
-
پەیامی یەکێتی دەگەیەنرێتە بەرەی تورکمانی
کوردستان 05:01 PM - 2024-04-24 -
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
عیراق 04:46 PM - 2024-04-24 -
شاڵاو کۆسرەت رەسوڵ پێشوازی لە تیمی یەکێتی لە وەزارەتی تەندروستی دەکات
ی ن ک 02:22 PM - 2024-04-24 -
قوباد تاڵەبانی: هەر رۆژەی بیرخەرەوەی تاوانێکە
کوردستان 01:47 PM - 2024-04-24 -
سەرۆک بافڵ: یەکێتی لەقەرەبووکردنەوە و خزمەتی خەڵکی قەڵادزێ بەردەوامە
کوردستان 01:12 PM - 2024-04-24 -
سەعدی ئەحمەد پیرە: بۆردومانی قەڵادزێ ببێتە هەوێنی یەکڕیزی
کوردستان 12:39 PM - 2024-04-24 -
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
کوردستان 12:30 PM - 2024-04-24 -
وەفدێکی حکومیی عیراق بەشداری ساڵیادی بۆردومانی قەڵادزێ دەکات
کوردستان 10:14 AM - 2024-04-24