نوێكراوەتەوە..پێشمەرگەكانی میحوەری زوممارو چیای شەنگال بەیەك گەیشتن

.

هێزەكانی پێشمەرگە لەمیحوەری زوممارو چیای شەنگال بەیەك گەیشتن و رێگای زەمینی چیای شەنگالیش بۆ دهۆك كرایەوەو خێزانە ئاوارەكانی سەر چیای شەنگال دەتوانن بینە خوارەوە.

سەرچاوەیەكی سەربازی لەمیحوەری زوممار تایبەت بە PUKmediaی راگەیاند:ئێوارەی ئەمڕۆ 2014/12/18 هێزەكانی پێشمەگەر لەمیحوەری زمماور چیای شەنگال لەگوندی حەردان بەیەك گەیشتون.

وتیشی: ئێستا رێگای زەمینی چیای شەنگال بۆ دهۆك كراوەتەوەو ئەو خێزانە ئاوارە ئێزیدیانەی لەسەر چیاكەن دەتوانن بێنە خوارەوە.
ئەو سەرچاوەیە راشیگەیاند:تیرۆرستانی داعش لەقەزای تەلەعفەریش هەڵاتوون و 40 ئۆتۆمبێلیان كە كەسوكاری تیرۆرستانی داعشی تێدابووەو چیچانی و ئەفغانین بەرەو سوریا هەڵاتوون.

هاوكات سەرچاوەیەكی تری سەربازی لەمیحوەری زوممار تەئكیدی لەسەر بەیەك گەیشتنی هێزەكانی پێشمەرگە لەمیحوەری زوممارو چیای شەنگال كردەوەو وتیشی:لەدوێنێوە كە ئۆپراسیۆنەكە دەستی پێكردوە تائێستا 700كیلۆمەتر چوارگۆشە ناوچەكە لەتیرۆرستانی داعش پاكراوەتەوە.

PUKmedia تایبەت