به‌عشیقه‌.. هاوپه‌یمانان بۆردومانی داعش ده‌كه‌ن

زیانێكی زۆر به‌ر داعش كه‌وتووه‌

فڕۆكه‌ جه‌نگییه‌كانی هاوپه‌یمانان بۆردومانی چڕی داعش له‌ سه‌نته‌ری به‌عشیقه‌و ده‌وروبه‌ری ده‌كه‌ن و زیانێكی زۆریان به‌و تیرۆرستانه‌ گه‌یاندوه‌.

سه‌رچاوه‌یه‌كی ئاگادار له‌ نێو هێزه‌كانی پێشمه‌رگه‌ له‌ چیای به‌عشیقه‌ ئه‌مڕۆ 28-11-2014، به‌ PUKmedia ی راگه‌یاند: دوای ئه‌وه‌ی ئه‌مڕۆ ژماره‌یه‌كی زۆر له‌ چه‌كداره‌ تیرۆرسته‌كانی داعش له‌ ناو سه‌نته‌ری شارۆچكه‌ی به‌عشیقه‌و ده‌وروبه‌ری كۆبوونه‌ته‌وه‌و ویستویانه‌ هێرش بكه‌نه‌ سه‌ر هێزی پێشمه‌رگه‌ی كوردستان له‌سه‌ر چیای به‌عشیقه‌ و له‌لای رۆژئاوای به‌عشیقه‌، دواتر له‌لایه‌ن هه‌وڵگری هێزی پێشمه‌رگه‌وه‌ په‌یوه‌ندی ده‌كرێت به‌ فڕۆكه‌ جه‌نگییه‌كانی هاوپه‌یمانانه‌وه‌و له‌ ئێستادا فڕۆكه‌ جه‌نگییه‌كانی هاوپه‌یمانان سێ شوێنی داعشی به‌ته‌واوه‌تی بۆردومانكردوه‌ كه‌ مۆڵگه‌ی گرنگی ئه‌و تیرۆرستانه‌بوون.

 وتیشی: له‌ ئێستادا فڕۆكه‌ جه‌نگییه‌كانی هاوپه‌یمانان له‌ ئاسمانی ناوچه‌كه‌ ده‌سوڕێنه‌وه‌و بۆردومانه‌كانیشیان به‌رده‌وامه‌ .

ئاماژه‌ی به‌وه‌شدا، به‌پێی زانیارییه‌ سه‌ره‌تاییه‌كان زیانی زۆر به‌ر تیرۆرستانی داعش كه‌وتووه‌، به‌ڵام تاكو ئێستا به‌ته‌واوه‌تی ژماره‌ی كوژراو بریندارو زیانه‌كان نه‌زانراوه‌و بۆردومانه‌كانیش به‌رده‌وامن.

 PUKmediaزانیار مه‌جید