riklam

به‌دواداچوون بۆ گرته‌ ڤیدیۆیی مامۆستاو خوێندكاره‌كه‌ ده‌كرێت

kurdistani 10:48 AM - 2014-11-28
رێگا به‌ مامه‌ڵه‌ی نادروست نادرێت دژی خوێندكار

رێگا به‌ مامه‌ڵه‌ی نادروست نادرێت دژی خوێندكار

په‌روه‌رده‌ی سلێمانی لیژنه‌ی تایبه‌تی بۆ به‌دواداچوونی ئه‌و گرته‌ ڤیدیۆییه‌ پێكهێناوه‌ كه‌ مامۆستایه‌ك به‌شێوازێكی نه‌شیاو له‌ خوێندكارێك ده‌دات.
 
دوای ئه‌وه‌ی ئه‌و گرته‌ ڤیدیۆییه‌ له‌ تۆڕه‌ كۆمه‌ڵاتیه‌كاندا بڵاوبوه‌وه‌، كه‌ له‌ یه‌كێك له‌ خوێندنگاكانی شاری سلێمانی مامۆستایه‌ك به‌ شێوازێكی نه‌شیاو بێ به‌زه‌ییانه‌ له‌ خوێندكارێك ده‌دات و ئازاری ده‌دات، له‌ و باره‌یه‌وه‌ ئه‌مڕۆ 28-11-2014، مامۆستا نه‌جمه‌دین عه‌لی به‌ێوه‌به‌ری گشتی په‌روه‌رده‌ی سلێمانی به‌ PUKmedia ی راگه‌یاند: له‌ دوای بڵاو بوونه‌وه‌ی ئه‌و گرته‌ ڤیدیۆییه‌ وه‌ك په‌روه‌رده‌ی سلێمانی لیژنه‌یه‌كی تایبه‌تمان بۆ به‌ دواداچوون بۆ ئه‌و كێشه‌یه‌ پێكهێناوه‌و ئه‌و لیژنه‌یه‌ دوای لێكۆڵینه‌وه‌و به‌دواداچوونه‌كانی سزای یاسای ئه‌و مامۆستایه‌ ده‌دات كه‌ ئه‌و كاره‌ی ئه‌نجامداوه‌.

وتیشی: وه‌ك په‌روه‌رده‌ هه‌میشه‌ ئێمه‌ مامۆستایان وا راده‌هێنین كه‌ به‌ جوانترین و رێك و پێكترین شێوه‌ مامه‌ڵه‌ له‌گه‌ڵ خوێندكاراندا بكه‌ن و په‌روه‌رده‌یان بكه‌ن، هه‌روه‌ها په‌روه‌رده‌ رێگای تری هه‌یه‌ نه‌ك لێدان بۆ مه‌مه‌ڵه‌كردن له‌گه‌لچ ئه‌و خوێندكارانه‌ی كاری نه‌شیاو ده‌كه‌ن زیان به‌مامۆستا ده‌گه‌یه‌نن، ئه‌ویش له‌ر ێگه‌ی ناردن به‌شوێن كه‌سوكاری خوێندكار یان ئه‌گه‌ر نا كاری زۆرنه‌شیاو خوێندكار بێ به‌ش ده‌كرێت له‌ خوێندن، به‌ڵام هه‌رگیز وه‌ك په‌روه‌رده‌ رێگاناده‌ین مامۆستا شێوازی سزادانی نه‌شیاو به‌رامبه‌ر خوێندكار به‌كار بهێنێت وه‌ك لێدان و شكاندنی ده‌ست و په‌نجه‌.

مامۆستا نه‌جمه‌دین وتیشی: ئه‌و خوێندكاره‌ تائێستا داوای یاسایی به‌رمبه‌ر مامۆستاكه‌و خوێندمگاكه‌ به‌رزنه‌كردۆته‌وه‌، به‌ڵام داواكاری گشتی له‌و رووداوه‌ ئاگاداركراوه‌ته‌وه‌و گرته‌ ڤیدۆییه‌كه‌ش ته‌سلیم به‌ داواكاری گشتی كراوه‌.

PUKmedia سه‌فین ئه‌حمه‌د - سلێمانی 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket