به‌شێكی گرنگ له‌ مۆنۆمێنتی هه‌ڵه‌بجه‌ ده‌كرێته‌وه‌

پێش یادی كیمیبارانی 2015 ئه‌و به‌شه‌ نوێیه‌ ده‌كرێته‌وه‌

دوای ئه‌وه‌ی له‌سه‌ر پێشنیاری هه‌ڤاڵ مام جه‌لال له‌ رابردوودا مۆنۆمێنتی هه‌ڵه‌بجه‌ دروستكرا، به‌ چه‌ندین به‌شی جیاواز و گوزارشتیان له‌ تاوانی كیمیابارانی هه‌ڵه‌بجه‌ ده‌كرد، له‌ ئێستاشدا ئاماده‌كاری بۆ كردنه‌وه‌ی به‌شێكی به‌ڵگه‌نامه‌یی گه‌وره‌ له‌ مونۆمێنته‌كه‌ ده‌كرێت كه‌ خۆی له‌ نیشاندانی ته‌واوی به‌ڵگه‌نامه‌كانی دادگای تاوانه‌كانی عیراق و سه‌رجه‌م ئه‌و به‌ڵگانه‌ ده‌بینێته‌وه‌ كه‌ هه‌ڵه‌بجه‌ی به‌ چه‌كی كیمیاوی پێ كیمیباران كراوه‌.

سه‌رخیڵ غه‌فار به‌رِێوه‌به‌ری مونۆمێنتی هه‌ڵه‌بجه‌ له‌ لێدوانیكی تایبه‌تدا به‌ PUKmedia ی راگه‌یاند: له‌ ئێستادا ته‌واوی به‌ڵگه‌نامه‌كان  كۆ كراونه‌ته‌وه‌  كه‌ خۆی له‌ به‌ڵگه‌نامه‌ی دادگای باڵای تاوانه‌كانی عیراق و به‌ ڵگه‌كانی كه‌یسه‌كانی  هه‌ڵه‌بجه‌ و ئه‌نفال و به‌رزانیه‌كان و ته‌واوی كه‌ یسه‌كانی دیكه‌ی گه‌له‌كه‌مان ده‌بینێته‌وه‌.

وتیشی: له‌ چوارچێوه‌ی به‌شێكی نوێدا و له‌ پێش یادی كیمیبارانی 16-3-2015 وه‌ ئه‌و به‌شه‌ نوێیه‌ ده‌كرێته‌وه‌،  كه‌ خوێندكاران و لێكۆڵه‌ره‌وان ده‌توانن بین سود له‌ به‌ڵگه‌ نامه‌كان ببینن، بۆ لێكۆڵینه‌وه‌كانیان .


PUKmedia فه‌رحان حه‌مه‌خان-هه‌ڵه‌بجه‌