دەبێت دۆسێی پەیـوەندییەكـان بكرێت بەدۆسێیەكی نیشتمانی
kurdistani 11:15 AM - 2014-11-27د.خامۆش عومەر
د.خامۆش عومەر:دەبێت دۆسێی پەیـوەندییەكـان بكرێت بەدۆسێیەكی نیشتمانی
هەندێك دەڵێن ئەجێندایەكی نێودەوڵەتی هەیە بۆ گۆڕینی نەخشەی ناوچەكە، خاكی كورد بەشێكی گرنگی ئەم گۆرانكارییانە دەبێـت، پرسیارگەلێك دێتە پێش لەبارەی چۆنییەتی مامەڵەكردن لەگەڵ ئەم دۆخە نوێیەی ناوچەكە، بەكورتی زۆربەمان دەڵێین كورد چیبكات؟ بەتایبەت لانیكەم ئەزموونی سایكس-بیكۆ دووبارە نەبێتەوە كاتێك كورد نەیتوانی ئەوكاتە خۆی بەشێوەیەك كۆبكاتەوە نوێنەرایەتییەكەی لایەنە پەیوەندیدارەكان قەناعەت پێبكات، كە كوردستان بكەن بە دەوڵەت؟ د. خامۆش عومەر پسپۆر لەیاسای دەستوریی و مامۆستای زانكۆی كۆیە تێڕوانینی وابوو كە پێدەچێت ئەو گۆڕانكاریانەی که لەناوچەكەدا روودەدات گۆڕینی نەخشەی سیاسیو جوگرافی بەدوای خۆیدا بهێنێتو سایكس-بیكۆیەكی نوێ بێت، دەوڵەتی توركیاش هەستی بەئەجێندایەكی لەو شێوەیە كردووە، بۆیە دەبینین سەرۆك وەزیرانی ئەو وڵاتە بەڕاشكاوانە دەڵێت ئێمە رێگە بەسایكس-بیكۆیەكی نوێ نادەین، لەهەموو ئەگەرێكیشدا كورد لەچەقی ئەو گۆڕانكاریانە دەبێت، چونكە لێكدانەوەكان بەو ئاڕاستەیەن كە ئەو دەوڵەتانەی بە تایبەت (عیراقو سوریا) بەرەو هەڵوەشانەوە هەنگاو دەنێن، ئەگەرچی لەڕووی واقیعی ئەو وڵاتانە بەكردارو لەسەر زەوی هەڵوەشاونەتەوە، بەڵام تاوەكو ئێستا لەبواری نێودەوڵەتی پارێزگاریان لەسنووری نێودەوڵەتی خۆیان كردووە، بۆیە دەبێت كورد لەئێستاوە لەهەوڵی بەدەست هێنانی پاڵپشتی نێودەوڵەتی دابێتو ئەوە بسەلمێنێت كە دەوڵەتی كوردی لەدواڕۆژدا دەبێتە فاكتەرێك بۆ سەقامگیری ناوچەكەو شەریكێكی ستراتیژیی بۆ دابینكردنی وزە بۆ وڵاتانی رۆژئاوا.
سەرەتای لێدانی داعش لەهەرێمی كوردستان وتیان لەبەرئەوەی ئیكسۆن مۆبیل و تۆتالو ..تاد، لەكوردستانن بۆیە ئەوروپاو ئەمریكا زوو هاتنە دەنگو فرۆكەو چەكیان نارد بۆ لێدانی داعش، كەچی دەبینین هاوپەیمانی نێودەوڵەتی، بەتایبەت ئەمریكا بەهەمان شێوەو قەبارە بۆ كۆبانی كە نەوتی لێ نییەو كۆمپانیای ئەمریكاشی لێ نییە هاتە دەنگ، كەواتە ئەمە نایسەلمێنێ ئەجێندایەك بۆ دابەشكردنی ناوچەكە هەیە؟
ههست بههیچ پهرچهکردارێک نهکرا
د.خامۆش عومەر رونیكردەوە كە سەرەتای هاتنی داعش بۆ موسڵ لەلایەن ئەمریكاو رۆژئاوا هەست بەهیچ جۆرە پەرچەكردارێكی ئەوتۆ نەكرا، ووتی ئەگەر خوێندنەوەیەكی سیاسیش بۆ ئەو هەڵوێستەی ئەمریكاو خۆرئاوا بكرێت ئەوا دەگەینە دەرئەنجامی ئەوەی كە وابەستەبوونی عیراق بەئێرانو پەراوێزخستنی سوننەكان لەدەزگاكانی دروستكردنی بڕیاری سیاسیو بەرنامەی ئەمریكیەكان بۆ دروستكردنی هەرێمێكی سوننیی لەو هۆكارانە بوون كە ئەمریكیەكان كەمتر بایەخ بەكەوتنی موسڵ بدەن، بەڵام كاتێك هەڕەشەكان لەپایتەختی هەرێمی كوردستان نزیك بوونەوە، ئەمریكاو خۆرئاوا هەڵوێستێكی تریان هەبوو هەر زوو بەزوو سەرۆكی ئەمریكا هاتە دەنگو بەئاشكرا وتی ئێمە رێگە بەكەوتنی هەولێر نادەین.
بەبڕوای ئەم پسپۆڕەی یاسای دەستووریی ئەم هەڵوێستەی ئەمریكا لەبەر ئەوەبوو ئەو ناوچەیە بەناوچەیەكی ستراتیژی لە قەڵەم دەدەنو دەتوانن بەشێوەیەكی ئارام بنكەی سەربازی تیادا دابمەزرێننو لێرەشەوە لەنزیكەوە كار لەسەر بەرنامەو پلانو ستراتیژیەتی خۆیان بكەن، بەتایبەتیش دوای ئەوەی توركیا رێگەی بەهاوپەیمانان نەدا بنكە سەربازیەكانیان بەكاربهێنن، ئەوەی لەكۆبانێش روویدا تاڕادەیەك جیاوازترەو زیاتر پەیوەندارە بەبەرخودانی بێ وێنەی شەرڤانان كە سەرەڕای نا هاوتایی لەڕووی ژمارەو چەكەوە توانیان بەوپەڕی دلێرییەوە رووبەڕووی داعش ببنەوە، وتی ئەمە رەنگدانەوەیەكی باشی هەبوو لەمیدیاكانی جیهان، ئەمریكیەكانی ناچاركرد بڵێن ئێمە لەبەرامبەر بەرپرسیارەتیەكی ئەخلاقیداین لەمەڕ رووداوەكانی كۆبانێ، هەروەها توركیاش ناچار بكەن تەنازول لەهەندێك لەهەڵوێستەكانی خۆی بكات.
ململانێکان زهمینهی پێکهوه ژیانیان کهمتر کردۆتهوه
هەندێك دەڵێن بارودۆخی ئێستای جیهان لەبارە بۆ رێككەوتنێك که لەبابەتی سایكس-بیكۆ دووبارە ببێتەوە؟ بەتایبەت دەمێكە قسە لەسەر دابەشكردنی سوریاو عیراق دەكرێت؟ ئەگەر ناوچەكە دابەش ببێت ئەگەرە نزیكەكان (الاحتمالات الاقرب) دابەشبوونی عیراقو سوریایە. د. خامۆش عومەر رونیكردەوە كە ململانێیە خوێناوییەكانی پێكهاتەكانی عیراقو سوریا بوارێكی ئەوتۆیان نەهێشتۆتەوە بۆ پێكەوە ژیانی ئاشتیانەی پێكهاتەكان، كوردیش وەك پێكهێنەرێكی دەوڵەتی بەناو عیراقو سوریا رۆژێك لەڕۆژان هەستی بەئینتمابوون نەكردووە بۆ ئەو دەوڵەتە، ئێمە بەردەوامو بەڵكو سووربووە لەپاراستنی كهلتووری ئینتمابوون بۆ نیشتمانێك كە ناوی كوردستانە، دەوڵەتی عیراقو سوریاش لەماوەی رابردوو هەرەسیان هێناوەو تەنها لەسەر نەخشە بەدەوڵەتێكی یەكگرتوو ماونەتەوە، یەكێك لەو ئەگەرانەشی كە لەئارادایە پارچەپارچەبوونی ئەو دوو دەوڵەتەیە وەك رێگە چارەسەرێك بۆ كۆتایی هێنان بەو ململانێیەی نێوان پێكهاتەو لایەنەكان، بەڵام هەڵوەشاندنەوەی ئەو وڵاتانەش لەڕووی سیاسییەوە لەوانەیە ئاوا ئاسان نەبێت، لەلایەك ئێرانو توركیا ئەگەرێكی لەو شێوەیە رەتدەكەنەوە بەو پێیەی هەڕەشەیەكە بۆ ئاسایشی نەتەوەییان، لەلایەكی تریش نێوەندی عەرەبی هێشتا گوتاری ناسیونالیزمی تیادا زاڵەو رێگەچارەیەكی لەو شێوەیەی پێ قبووڵ ناكرێت، جگە لەمانەش هێشتا هەندێك دەنگ لەنێو خۆی ئەو وڵاتانە هیوایەكیان بەپێكەوە ژیان هەیەو بانگەشە بۆ یەك پارچەیی وڵات دەكەن، بەڵام قووڵبونەوەی ململانێ كۆمەڵایەتیو سیاسیەكان تاڕادەی خوێناوی بوونی دەستەكان ئومێدێكی بۆ یەكگرتووی ئەو وڵاتانە نەهێشتۆتەوە.
کوردستان پێشکهوتنی بهخۆیهوه بینیوه
بێگومان هەرێمی كوردستان پێشكەوتنی بەرچاوی بەخۆیەوە بینیوەو ئەمەش سەرەنجام كاریگەریی لەسەر كۆی بارودۆخی هەرێم هەیە، لەئەگەری هەر پێشهاتێكی نەخوازراو، بەڵام هەندێك دەڵێن هێشتا كورد ئەوەندە خۆی ئامادەنەكردووە بۆئەوەی لەحاڵی هەر بڕیارێك یەكلاییكەرەوە یان پێكشهاتێكی نەخوازراو روبەڕووی واقیعە نوێیەكە ببێتەوە. د. خامۆش عومەر پێیوابوو تاوەكو ئێستا كورد ئامادەكاریەكی ئەوتۆی نەكردووە بۆ گۆڕانكاریەكانی ناوچەكە، ئەوەش سەركردایەتی حزبە سیاسیەكان دەخاتە بەردەم بەرپرسیاریەتیەكی مێژوویی، بۆیە دەبێت هەرچی زووە كار بۆ بەستنی كۆنگرەی نەتەوەیی بكرێت، ئەو گرفتانە تێپەڕێنن كە بوونەتە لەمپەڕ لەبەردەم بەستنی ئەو كۆنگرەیە، ئێستا زۆر گرنگە كار بۆ یەكێتی نەتەوەیی بكرێت، بەرژەوەندیە تەسكی حزبیی بەلاوە بنرێتو بەرژەوەندی باڵای نەتەوەیی بكرێتە ئامانجی سەرەكی.
د. خامۆش وتی: دەكرێت هێزو لایەنە سیاسیەكان بەڵگەنامەیەكی شەڕەف مۆربكەن، بۆ زاڵبوون بەسەر ململانێیە لاوەكیەكان، چونكە ئەو دەرفەتەی ئێستا هاتۆتە ئاراوە رەنگە جارێكی تر بۆ ئێمەی كورد نەڕەخسێت، هەروەها دەبێت جۆرێك لەڕێككەوتنی مەبدەئی هەبێت لەنێوان هەموو لایەنەكان بەوەی ئەگەری سەربەخۆیی بكەن بەئەگەرێكی ستراتیژی.
داگیرکارییهکان لهبهرژهوهندی کورد شکانهوه
سەرباری نەهامەتیی و كۆمەڵكوژیی برینێكی قووڵ لەجەستەی بەشێكی كوردستان، بەڵام هەندێك دەڵێن هاتنی داعشو سەرباری دڕەندەییانو ئەو زیانەی گەیاندیانە بەشێكی كوردستان، بەڵام خێری دایەوە بۆ كورد كە سەرنجی دونیای بۆ كوردستان راكێشا، وایكرد كورد ببێ بەشەریكی هاوپەیمانییەتییەكی نێودەوڵهتی.
د. خامۆش عومەر مامۆستای زانكۆی كۆیە هەمان بۆچوونی هەبوو وتی: گومانی تێدا نیە هاتنی داعش بۆ ناوچە كوردیەكانو كۆنترۆڵكردنی شەنگالو زوممارو جەلاولا كارەساتێكی مرۆیی بەدوای خۆیدا هێنا، كە رەنگە ئاسەوارەكەی لەداهاتوش رەنگ بداتەوە، ئەو تراژیدیایەی بەسەر كوردانی ئێزیدی داهات كۆمەڵگەی نێودەوڵەتیو ئەمریكاو خۆرئاوای هێنایە دەنگ، هەر زوو بەزوو وڵاتان هاوكاریە مرۆییەكانیان گەیاندە ئاوارەكانو ڕایانگەیاند ئەوەی كە بەسەر ئێزیدیەكاندا هاتووە دەگاتە ئاستی جینۆساید، ئەو كارەساتە لەدیوەكەی تر لەبەرژەوەندی كورد شكایەوەو میدیاكانی جیهان بەبایەخەوە باسیان لەو مەسەلەیە دەكرد.
ئەو وتی: كوردیش توانی تاڕاددەیەك سوود لەو دەرفەتە وەربگرێتو پێگەی هەرێمی كوردستان بەهێزتر بێتو بەتایبەتیش بەشێك لەوڵاتان بەشێوەیەكی راستەوخۆ مامەڵەیان لەگەڵ هەرێم كردو سەرۆكو بەرپرسە باڵاكانی وڵاتانی جیهان هاتنە كوردستانو ئامادەیی خۆیان پێشاندا بۆ هاوكاری مرۆییو سەربازیی كوردستان. ئەمەش بۆئەوەی رووبەڕووی چەكدارانی داعش ببێتەوە، بەتایبەتیش دوای ئەوەی دەركەوت هێزی سەربازی عیراق ئەو توانایەی نییە، لەبەرامبەردا پێشمەرگە توانی بەرپەرچی هێرشەكانی داعش بداتەوەو سەركەوتن بەدی بهێنێت.
تورکیاو هاوکاریکردنی داعش
هاوكاریكردنی داعش لەلایەن توركیاوە، خەریكە وابكات توركیا لەدەوروبەری خۆیو كۆمەڵگەی نێودەوڵەتی داببڕێت، ئەمە چەند لەخزمەت دۆزی كوردە بۆ ئەوەی وڵاتانی خۆرئاوا بەدوای بەدیلێكی بەهێز بگەڕێن بۆ شەراكەتكردن؟ ئەمە پرسیارێكی جددیەو كاریگەری راستەوخۆی لەسەر هاوكێشەی ناوچەكە هەیە، بەتایبەت وڵاتێكی وەكو توركیا كە كاریگەری هەیە لەناوچەكە. د.خامۆش عومەر رونیكردوە كە توركیا هەر لەسەرەتای دەركەوتنی داعش بەشێوەیەك لەشێوەكان هاوكاری ئەو گروپەی كردووە، وتی: بەدڵنیاییەوە هۆكاری ئەمەش بۆ ئەوە دەگەڕێتەوە كە كارو كردەوەكانی ئەو گروپە خزمەت بەسیاسەتەكانی توركیا دەكات لەناوچەكە، لەلایەك ئەو گروپە دژایەتی ڕژێمەكەی بەشار ئەسەد دەكاتو لەلایەكی دیكە هەوڵی لەباربردنی ئەزموونی بەڕێوەبردنی كانتۆنە كوردیەكان دەدات، هەردوو ئامانجی ئەو گروپەش هەمان ئەو ئامانجەی هەیە كە توركیا هەوڵی بەدیهێنانی دەدات.
بەقسەی د. خامۆش لەموسڵ پەیوەندی نێوان توركیاو داعش لەكاتی ئازادكردنی کونسوڵەكانی ئەو وڵاتە بەڕوونی دەركەوت، لەبەرامبەریشدا توركیا ژمارەیەكی زۆری لەئەندامانی ئەو گروپە ئازادكرد، ئەوەش لەكاتێكدایە كە ئەو گروپە بەهیچ شێوەیك سڵ ناكاتەوە لەكوشتنی بارمتە، جگە لەوەش تاوەكو ئێستا توركیا بەشێوەیەكی فەرمی نەچۆتە بەرەی هاوپەیمانانی دژ بەو گروپە، بۆیەشە دەبینین ئەمریكیەكان ناچاربوون بەشێوەیەكی راستەوخۆ دانوستاندن لەگەڵ پەیەدە بكەنو هاوكاری پێشكەش بكەن. بەقسەی ئەو پسپۆڕە ئەمە وایكرد نێوەندە سیاسیەكان بڵێین ئەمریكیەكان بەدوای بەدیلێكی دیكە دەگەڕێن، بەڵام بەداخەوە ئێمەی كورد هێشتا نەگەیشتونەتە ئەو ئاستەی كە جێگەی توركیا بگرینەوە لەناوچەكەدا، بۆیە بەبڕوای من هێشتا توركیا رۆڵی ماوە لە ناوچەكە بەڵام بەدڵنیایەوە ئەو شەریكە حەقیقیە نییە كە ئەمریكیەكان بەدوایدا دهگهڕێت.
بەقسەی شارەزایانی سیاسی ئەم هەڵسوكەوتەی توركیا، زیانێكی گەورە بەنفوزو پێگەی توركیا گەیاندووە بەڵگەیەكی زۆرباشە بۆ پەكەكە كە حزبێكە خاوەنی دۆزێكی نەتەوەیی نەك حزبێكی تیرۆرست.
بەقسەی دكتۆر خامۆش عومەر، توركیا بەپێچەوانەی هەڵوێستی هەموو دونیا كۆمەڵێك مەرجی داناوه بۆ چوونە نێو هاوپەیمانی نێودەوڵەتی ئەو مەرجانە (بۆنمونە دروستكردنی ناوچەی دژە فڕین، یان ناوچەی داماڵراو لەچەك) ئەو مەرجانەش تەنها بۆ ئەوە بوو كە نەچێتە نێو ئەو هاوپەیمانێتییە! ئەم هەڵوێستە نەخوازراوەی توركیا كاریگەری گەورەی لەلای ئەمریكاو خۆرئاوا جێهێشتو وایكرد بەدوای بەدیل بگەڕێن لەناوچەكە، بەدڵنیایشەوە ئەوە زیانی بەپێگەی توركیا گەیاند، چونكە ئەمە لەكاتێكدایە كە توركیا(PKK و PYD) بەتیرۆرست لەقەڵەم دەدات، كەچی ئەو دوو هێزە بەورەو ئیرادەیەكی پۆڵایینەوە رووبەڕووی چەكدارانی داعش بوونەوە كە سوپای دوو وڵات نەیانتوانی هاوشێوەی بجەنگن، بێگومان ئەمە تێڕوانینی ئەمریكاو خۆرئاوای لەبەرامبەر ئەو دوو هێزە گۆڕی، ئەوەتا ئەمریكیەكان راستەوخۆ لەگەڵ (PYD) دانوستاندن دەكەنو كۆشكی سپی لەسەر پێگەی فەرمی خۆی راپرسی دەكات بۆ دەرهێنانی (PKK) لە لیستی تیرۆر، ئەم مامۆستایەی زانكۆ وتی: سەرەنجام ئەم تێڕوانینە نوێیەی ئەمریكا شكستە بۆ سیاسەتی توركیا كە دەڵێت: پەكەكەو داعش وەك یەك تیرۆرستن
1ـ پرسی هۆشیاری كۆمەڵگا بەتایبەتیش تۆڕەكانی پەیوەندی كۆمەڵایەتیی كاریگەری گەروەی لەسەر هۆشیاریی نەتەوەییو بەیەكگەیشتنی كورد لەهەموو پارچەكانو دونیا دروستكردووەو سەرەنجام بەشێك دەبێت لەپاڵنان بەپێشخستنی دۆزی كورد؟
2-میدیا بەگشتی سۆشیال میدیا بەتایبەتی كاریگەری گەورەیان هەیە لەسەر هۆشیاری نەتەوەیی، بەڵام بەقەدەر گرنگیان هێندەش زیانیان هەیە، ئەگەر بەشێوەیەكی تەندروست بەكارنەیەتو سودی لێ وەرنەگیرێت، دەبێت ئەوەشمان لەبیر نەچێت دابەشبوونی هێزە كوردیەكان بەسەر هێزە ئیقلیمیەكانو خوولانەوەیان بەدەوری سیاسەتەكانی ئەو هێزە ئیقلیمیانە زیانی بەخەباتی هێزەكانی تری كوردی گەیاندووە لەپارچەكانی تر، بۆیەشە گرنگە لەئێستادا هێزە كوردیەكان لەژێر كاریگەریو هەیمەنەو نفوزی ئەو هێزە ئیقلیمیانە بێنە دەرەوەو ببنە خاوەن سیاسەتو ستراتیژی سەربەخۆی خۆیان هەموویان یەك ئامانج كۆیان بكاتەوە، ئەویش ئامانجی یەكێتی نەتەوەیی بۆ پێشخستنی دۆزی گەلەكەمان بەدڵنیاییەوە هەر كاتێك ئەوە بكرێت رەنگدانمەوەی لەسەر كادرو لایەنگرو دۆستو هەوادارانی ئەو هێزانە دەبێتو لەبڕی سووكایەتیو جنێودان لەنێو تۆڕە كۆمەڵایەتیەكان پەیامی دۆستایەتیو بەرخودان شوێنی دەگرێتەوە.
هێشتا کۆدهنگی نیشتمانی دروست نهبووه
هەموو خەونی كورد دروستكردنی كیانی سەربەخۆی خۆیەتی وەك مافی چارەی خۆنووسین كە زۆربەی گەلانی دونیا پێی گەیشتوون، ئێستاش هەمووان كۆكن لەسەر ئەوەی بەبێ كۆدەنگی نیشتمانی ناتوانرێت ئامانجە ستراتیژییو باڵاكانی كورد بێتە دەی. كۆدەنگی نیشتمانیی لەباشووری كوردستان ئەگەرچی بێدەنگی لێدەكرێت، بەڵام لەڕاستیدا كێشەی هەیە، نەبوونی ئەم كۆدەنگییە بۆچی دەگەڕێنیتەوە؟ بۆ هەستكردنی هەندێ لایەن بەنەبوونی بەشدارییەكی راستەقینە لەدەسەڵاتو پرسی بڕیاردان؟ لەقۆناغێكی وا هەستیار كە لەلایەك شەڕێكی نەگریس هەیەو لەلایەكی دیكە پرسی بەرەو دەوڵەتبوون بەردەوام لەگۆڕێدایە، هاوكات پرسی نەبوونی پارەو بڕینی بودجەو پارەی هەرێم لەلایەن بەغداوە گرفتێكی گەورەیە؟ لەوبارەیەوە د. خامۆش عومەر رونیكردەوە كە لەباشووردا هێشتا كۆدەنگی نیشتمانی دەربارەی هەندێك مەسەلە دروست نەبووە، ناكۆكی لەبیروبۆچوون لەنێوان هێزو لایەنەكان حالەتێكی سروشتیە، وتی بۆ مەسەلە نەتەوەییەكان ئێمە پێویستمان بەكۆدەنگی نیشتمانیە، بۆیە دەبێت لەئێستادا هێزو لایەنەكانی پێكهێنەری حكومەت دووربكەونەوە لەخۆسەپاندنو دامودەزگاكان بەدامەزراوەیی بكەنو هێزو لایەنەكان شەریكێكی راستەقینەو حەقیقیی بن لە پڕۆسەی سیاسیو دروستكردنی بڕیاری سیاسی، هەر لەهەرەمی دەسەڵاتەوە تا دەگاتە بەڕێوەبردنی ئەنجومەنە خۆجێیەكانی پارێزگاكان، .
ئەو پێیوابوو پەراوێز خستنی هەر لایەك لەپڕۆسەی سیاسی و بڕیاری سیاسی بەزیان بەسەر ئەزموونی ئیدارەی هەرێمی كوردستان دەشكێتەوە، بەتایبەتیش لەئێستادا هەرێمی كوردستان رووبەڕووی هەڕەشەی داعش بۆتەوە، وتی ئەمە پێویستی بەكۆ دەنگیو یەك هەڵوێستی هەیە، هەروەها پەیوەندیەكانی هەرێمو بەغدا دەبێت لەڕێگەی دەستەیەكەوە سەرپەرشتی بكرێت واتە دۆسێی پەیوەندیەكان لەنێو چوارچێوەی حزبی دەربهێنرێتو بكرێت بەدۆسێیهكی نیشتمانیی لەسەر ئەو بنەمایەش مامەڵەی لەگەڵ بكرێت.
PUKmedia له كوردستانی نوێ-وه
هەواڵی زیاتر
-
داهاتی هەفتەی رابردووی سلێمانی زیاتر لە چوار ملیار دینارە
01:31 PM - 2024-03-29 -
وەفدێکی نەتەوەیەکگرتووەکان سەردانی نوسینگەی سلێمانی جێگری سەرۆک وەزیرانی کرد
05:41 PM - 2024-03-28 -
وادەی پێشکەشکردنی ناوی کاندیدان بۆ پەرلەمانی کوردستان درێژکرایەوە
11:57 AM - 2024-03-28 -
خاتوو شاناز بۆ خانمانی راگەیاندنکار: جیاوازیتان ناکەم و سەرکەوتنی هەمووتانم دەوێت
11:58 PM - 2024-03-27
ئەمانەش ببینە
کوردستان 10:23 AM - 2024-03-29 نێروەیی: روسیا وەک سەرۆک و سەرکردەیەکی کوردستانی و عیراق پێشوازی لە سەرۆک بافڵ دەکات
سەرۆک بافڵ بۆ نوێنەری سەرۆکی روسیا: چارەسەری ئاشتیانە پەیڕەو دەکەین
10:31 PM - 2024-03-28
سەرۆک بافڵ و سێرگی لاڤرۆڤ: پەیوەندییەکان پەرەیان پێبدرێت
08:34 PM - 2024-03-28
سەرۆککۆمار بۆ وەزیری دارایی: پەلەبکرێت لەخەرجکردنی مووچەی هەرێم
03:46 PM - 2024-03-28
وتهبێژی یهكێتی: خۆمان و لیست و ناوی كاندیدمان بۆ ههڵبژاردن ئامادهكردوه
12:56 PM - 2024-03-28
زۆرترین خوێنراو
-
داهاتی هەفتەی رابردووی سلێمانی زیاتر لە چوار ملیار دینارە
کوردستان 01:31 PM - 2024-03-29 -
نێروەیی: روسیا وەک سەرۆک و سەرکردەیەکی کوردستانی و عیراق پێشوازی لە سەرۆک بافڵ دەکات
کوردستان 10:23 AM - 2024-03-29 -
سەرۆک بافڵ بۆ نوێنەری سەرۆکی روسیا: چارەسەری ئاشتیانە پەیڕەو دەکەین
جیهان 10:31 PM - 2024-03-28 -
سەرۆک بافڵ و سێرگی لاڤرۆڤ: پەیوەندییەکان پەرەیان پێبدرێت
کوردستان 08:34 PM - 2024-03-28 -
وەفدێکی نەتەوەیەکگرتووەکان سەردانی نوسینگەی سلێمانی جێگری سەرۆک وەزیرانی کرد
کوردستان 05:41 PM - 2024-03-28 -
سێ (D) یەکەی مام
بیروڕا 04:57 PM - 2024-03-28 -
سەرۆککۆمار بۆ وەزیری دارایی: پەلەبکرێت لەخەرجکردنی مووچەی هەرێم
کوردستان 03:46 PM - 2024-03-28 -
پرسەنامەی قوباد تاڵەبانی بۆ خانەوادەی ئەحمەد خدر
پرسەنامە 03:03 PM - 2024-03-28