هاوپه‌یمانان 17 هێرشیان بۆسه‌رداعش له‌ عیراق و سوریا راگه‌یاند

هێرشه‌كان بۆسه‌ر مۆڵگه‌كانی داعش به‌رده‌وامن

فه‌رمانده‌یی ناوه‌ندی سوپای ئه‌مریكا رایگه‌یاند: 17 هێرشی ئاسمانی نوێی بۆسه‌ر داعش له‌ عیراق و سوریا ئه‌نجامداوه‌.

له‌به‌یاننامه‌یه‌كدا ئه‌مڕۆ 26-11-2014، فه‌رمانده‌یی ناوه‌ندی سوپاس ئه‌مریكا رایگه‌یاند: فڕۆكه‌ جه‌نگییه‌كانی هاوپه‌یمانی دژی رێكخراوی تیرۆرستی داعش به‌سه‌رۆكایه‌تی ئه‌مریكا 10 هێرشی بۆسه‌ر مۆڵگه‌كانی داعش له‌ كۆبانێ و ده‌وروبه‌ری ئه‌نجامداوه‌و به‌وهۆیه‌وه‌ چه‌ندین تیرۆرستی داعش كوژراون و زیانێكی زۆریش به‌ر ئه‌و رێكخراوه‌ تیرۆرستیه‌ كه‌وتووه‌.

هه‌ له‌و به‌یاننامه‌یه‌دا هاتووه‌، فڕۆكه‌ جه‌نگییه‌كانی ئه‌مریكا 7 هێرشی ئاسمانیان بۆسه‌ر مۆڵگه‌كانی داعش له‌ نێو خاكی عیراق ئه‌نجامداوه‌ كه‌ ناوچه‌كانی باشوری شاری كه‌ركوك و باكوری شه‌نگال و رۆژئاوای بێجی و رومادی گرتۆته‌وه‌و به‌هۆی ئه‌و هێرشانه‌وه‌ چه‌ندین زیان به‌ر تیرۆرستانی داعش كه‌وتووه‌و چه‌ندین چه‌كداری ئه‌و رێكخراوه‌ تیرۆرستیه‌ كوژراون.

PUKmedia رۆیته‌رز