یه‌په‌گه‌: له‌ كۆبانێ و سرێ كانی و جه‌زعه‌ 17 داعشمان كوشتووه‌

چه‌ندین تیرۆرستی داعش كوژراون

له‌ چه‌ند هه‌ڵمه‌تێكی كه‌م وێنه‌ی یه‌كینه‌كانی پاراستنی گه‌ل یه‌په‌گه‌ بۆ سه‌ر تیرۆرستانی داعش له‌ كۆبانێ و سری كانی و جه‌زعه‌ 17 تیرۆرستی داعشیان كوشتووه‌.

ناوه‌ندی چاپه‌مه‌نی و راگه‌یاندنی یه‌كینه‌كانی پاراستنی گه‌ل یه‌په‌گه‌ له‌ به‌به‌یاننامه‌یه‌كدا ئه‌مڕۆ 22-11-2014، كه‌ كۆپیه‌كی ده‌ست PUKmedia كه‌وتووه‌و تێیدا هاتووه‌، یه‌كینه‌كانی پاراستنی گه‌ل یه‌په‌گه‌ له‌ چه‌ند هه‌ڵمه‌تێكدا بۆ سه‌ر چه‌كداره‌ تیرۆرسته‌كانی داعش له‌ به‌ره‌ی رۆژهه‌ڵاتی كۆبانێ به‌دیریكرداوی له‌ شه‌قامی به‌له‌دیه‌ 5 تیرۆرستای داعشیان كوشتووه‌.

هه‌رله‌و به‌یاننامه‌یه‌دا هاتووه‌، له‌به‌ره‌ی باشوری كۆبانێش هێزه‌كانی یه‌په‌گه‌ تیرۆرستێكی داعشیان كوشتووه‌و له‌باشوری رۆژئاواش له‌ هه‌ڵمه‌تێكی هێزه‌كانی یه‌په‌گه‌دا 7 تیرۆرستی داعش كوژراون.

له‌و به‌یاننامه‌یه‌دا ته‌ئكید له‌وه‌كراوه‌ته‌وه‌ هێزه‌كانی یه‌په‌گه‌ و پێشمه‌رگه‌ له‌ كۆبانێ له‌رێگه‌ی هاوه‌ن و تۆپه‌وه‌ چه‌ندین مۆڵگه‌ی تیرۆرستانیان له‌ چه‌ندین ناوچه‌ی كۆبانێ تێكشكاندوه‌و چه‌ندین داعش كوژراونو له‌ ناوچه‌ی سه‌رێ كانی هێزه‌كانی یه‌په‌گه‌ 3 تیرۆرستی داعشیان كوشتووه‌و زیانێكی زۆریشیان به‌ تیرۆرستانی داعش گه‌یاندوه‌.

هه‌رله‌و به‌یاننامه‌یه‌دا یه‌په‌گه‌ ئاماژه‌ی به‌وه‌داوه‌، هێزه‌كانیان له‌ ناوچه‌ی جه‌زعه‌ زه‌برێكی كوشنده‌ی به‌ داعش گه‌یاندوه‌.

PUKmedia