سه‌عدیه‌.. له‌ بۆردومانی پێشمه‌رگه‌و سوپادا 57 داعش كوژران و برینداربوون

چاوه‌ڕوانده‌كرێت زیانی زیاتر به‌ر تیرۆرستان بكه‌وێت

كه‌مێك پێش ئێستا له‌ لایه‌ن تۆپخانه‌كانی هێزه‌كانی پێشمه‌رگه‌و سوپای عیراقه‌وه‌ به‌چڕی بۆردومانی ئه‌و ناوچانه‌ی سه‌عدیه‌ كرا كه‌له‌ژێر ده‌ستی تیرۆرستاندایه‌و به‌و هۆیه‌شه‌وه‌ به‌ ده‌یان تیرۆرست كوژران و برینداربوون.

له‌و باره‌یه‌وه‌ سه‌رچاوه‌یه‌ك له‌نزيك سه‌عدییه‌ پێی راگه‌یاندین، دوای ئه‌وه‌ی له‌ لایه‌ن تۆپخانه‌كانی هێزی پێشمه‌رگه‌و فڕۆكه‌ جه‌نگییه‌كانی سوپای عیراقه‌وه‌ بۆردومانی ئه‌و ناوچانه‌ی سه‌عدییه‌ كرا كه‌ له‌ژێر ده‌ستی تیرۆرستاندایه‌، به‌و هۆیه‌وه‌ 32 تیرۆرست كوژران و 25 دیكه‌ش برینداربوون.

سه‌رچاوه‌كه‌ وتیشی: تا ئاماده‌كردنی ئه‌م هه‌واڵه‌ ئه‌و بۆردومانه‌ له‌لایه‌ن هێزه‌كانی پێشمه‌رگه‌و سوپای عیراقه‌وه‌ به‌سه‌ر مۆڵگه‌ی تیرۆرستان له‌سه‌عدیه‌ به‌رده‌وامه‌و چاوه‌ڕوانده‌كرێت زیانی زیاتر به‌ر تیرۆرستان بكه‌وێت.

فۆتۆ.. نێچیروان كوردی

PUKmedia تایبه‌ت