دوای مردنی زیندووده‌بێته‌وه‌و داوای چای گه‌رم ده‌كات

كوپه‌ چایه‌ گه‌رمه‌كه‌یان بۆ هێناوه‌و ئه‌ویش خواردویه‌تی و گه‌ڕاوه‌ته‌وه‌ ماڵه‌وه‌

ژنێكی به‌ته‌مه‌نی له‌هستانی پێش ئه‌وه‌ی پزیشكی دادوه‌ری گیانله‌ده‌ستدانی رابگه‌یه‌نێت، زیندوو ده‌بێته‌وه‌و له‌ داواكارییه‌كی سه‌رسوڕهێنه‌ردا داوای یه‌ك كوپ چای گه‌رمی كردووه‌.

ته‌له‌فزیۆنی ده‌وڵه‌تی له‌هستان رایگه‌یاندووه‌، "ژنێكی ته‌مه‌ن 91 ساڵان كه‌ خه‌ڵكی ئۆسترۆ لۆبلسكه‌ له‌ رۆژهه‌ڵاتی له‌هستان، 11 سه‌عات پێش ئه‌وه‌ی پزیشكی دادوه‌ری مردنی رابگه‌یه‌نێت له‌ ژووری ساردكردنه‌وه‌ی مردوواندا هه‌ستاوه‌ته‌وه‌و له‌به‌رچاوی كارمه‌ندانی ساردخانه‌كه‌ داوای یه‌ك كوپ چای گه‌رمی كردووه‌، دواتر كوپه‌ چایه‌ گه‌رمه‌كه‌یان بۆ هێناوه‌و ئه‌ویش خواردویه‌تی و گه‌ڕاوه‌ته‌وه‌ ماڵه‌وه‌".

هه‌روه‌ها ئه‌وه‌شیان بڵاوكردووه‌ته‌وه‌، "برازاكانی ئه‌و ژنه‌ به‌ته‌مه‌نه‌ بۆ رۆژنامه‌ ناوخۆییه‌كانی له‌هستانیان راگه‌یاندووه‌ كه‌ پوریان تووشی نه‌خۆشی له‌بیرچوونه‌وه‌ هاتووه‌و كاتێك بۆ ماڵ ده‌گه‌ڕایه‌وه‌ ته‌نها گله‌یی له‌ ساردبوونی هه‌وا ده‌كردو دواتر داوای كوپێك چای ده‌كرد".

له‌ به‌رامبه‌ریشدا پۆلیسی ئه‌و وڵاته‌ ده‌ستی به‌ لێكۆڵینه‌وه‌ كردووه‌ له‌گه‌ڵ ئه‌و پۆلیسه‌ی كه‌ وتویه‌تی ئه‌و ژنه‌ مردووه‌.

PUKmedia  تایبه‌ت