riklam

دوای شكستێکی گەورە داعش چەند بڕیارێک دەردەکات

kurdistani 03:09 AM - 2014-11-01
بەفەرمانی ئەبوبەکر بەغدادی  دەرکراون

بەفەرمانی ئەبوبەکر بەغدادی دەرکراون

دوای كۆنتڕۆڵكردنه‌وه‌ی ناوچه‌ی (جرف السخر) له‌لایه‌ن هێزه‌كانی سوپای عیراقه‌وه‌و به‌هۆی ئه‌و زیانه‌ زۆره‌ی به‌ر تیرۆرستان كه‌وت له‌ ناوچه‌كه‌ رێكخراوی تیرۆرستی به‌ناو ده‌وڵه‌تی ئیسلامی له‌ عیراق و شام ناسراو به‌ (داعش) له‌ژێر بڕیاری ئه‌بوبه‌كر به‌غدادی سه‌ركرده‌ی ئه‌و رێكخراوه‌ تیرۆرستیه‌دا به‌یاننامه‌یه‌كی بڵاوكرده‌وه‌و تێیدا فه‌رمان به‌ تیرۆرستان ده‌كات  رێوشێوێن و  كرده‌وه‌ تیرۆرستیه‌كانیان چڕكه‌نه‌وه‌و بۆ ئه‌وه‌ی ئه‌و پلانه‌ سه‌ربگرێت كه‌ رێكخراوه‌كه‌یان بۆ به‌دیهێنانی مه‌رامه‌كانی دایڕشتوون.

له‌ به‌یاننامه‌كه‌دا ئه‌بوبه‌كر به‌غدادی فه‌رمان به‌ تیرۆرستانی داعش ده‌كات  كه‌ سه‌رجه‌م كرده‌وه‌ تیرۆرستیه‌كانیان بگوازنه‌وه‌ بۆ پارێزگای نه‌ینه‌وا، داواش ده‌كات له‌رێگه‌ی چاندنی مینه‌وه‌ هه‌وڵی ته‌قاندنه‌وه‌ی هه‌موو شوێنه‌كان بدرێت به‌ شوێنه‌ ئاینیه‌كانیشه‌وه‌.

 له‌ یه‌كێك تر له‌ بڕگه‌كانی به‌یاننامەكه‌دا داواكراوه‌ تیرۆرستانی داعش وەکو دوژمن سه‌یری پێشمه‌رگه‌ بكه‌ن و بیان كوژن، هه‌روه‌ها هه‌وڵی  رفاندنی هاووڵاتیانی مه‌ده‌نی بدرێت هه‌ركه‌سێكیش رێ له‌و كاره‌ بگرێت ده‌ستبه‌جێ بكوژرێت.


ده‌قی به‌یاننامه‌كه‌ی رێكخراوی تیرۆرستی داعش...

بۆ هه‌موو چه‌كدارانی ده‌وڵه‌تی ئیسلامی له‌ عیراق

دوای ئه‌وه‌ی سوپای سه‌فه‌وی و چه‌كداره‌كانی توانیان (جرف سخر) كۆنـتڕۆڵبكه‌ن و به‌هۆی ئه‌و زیانانه‌ی چه‌كدارانی ده‌وڵەتی ئیسلامی لێی كه‌وتووه‌ به‌مه‌به‌ستی پاراستنی گیانی چه‌کداره‌كانمان و ته‌واوكردنی پلانی ستراتیژی ده‌وڵه‌تی ئیسلامی ئاگادارتان ده‌كه‌ین دوای به‌ده‌ستهێنانی ئه‌و شتانه‌ له‌لایه‌ن سوپای سه‌فه‌ویه‌وه‌ خه‌لیفه‌ی موسڵمانان ئه‌بوبه‌كر به‌غدادی ئه‌م بڕیارانه‌ی ده‌ركرد:

1- گواستنه‌وه‌ی هه‌موو كاره‌ جیهادیه‌كان بۆ نه‌ینه‌وا.
2- شاردنه‌وه‌ی ته‌رمی شه‌هیده‌كانمان یان خستنیانه‌ بۆ ناو روبار بۆئه‌وه‌ی سوپای سه‌فه‌وی  ناسنامه‌كانیان نه‌ناسێته‌وه‌.
3- زیادكردنی چاندنی مین له‌ هه‌موو شوێنه‌كان ته‌نانه‌ت ئه‌گه‌ر شوێنی ئاینیش بن.
4- گواستنه‌وه‌ی هه‌موو ئه‌و ماڵ و سامانه‌ی به‌ده‌ستمان هێناوه‌ له‌ نه‌ینه‌وا.
5- رفاندنی هاووڵاتیانی مه‌ده‌نی و بەکارهێنانیان وه‌ك (بەربەست)ی مرۆیی و كوشتنی هه‌ركه‌سێك كه‌ رێگری له‌و كاره‌بكات به‌ بێ جیاوازی.
6- خۆ ئاماده‌كردن بۆ هه‌ندێك شتی چاوه‌ڕوان نه‌كراو كه‌ سوپای سه‌فه‌وی و چه‌كداره‌كانی سه‌رسام بكات.
7-  ده‌بێت وه‌كو دوژمن له‌ پێشمه‌رگه‌ بڕوانرێت و بكوژرێن.
8- هه‌موو هیزه‌كانی سه‌فه‌وی و چه‌كداره‌كان ( میلیشیاكان ) له‌ سێداره‌ بدرێن جگه‌ له‌وانه‌ی خۆیان ته‌سلیم ده‌كه‌ن و خۆیان ده‌ده‌ن به‌ ده‌سته‌وه‌.
9- سوتاندنی هه‌موو كه‌لوپه‌له‌ ده‌ستبه‌سه‌ركراوه‌كان له‌ دوای جێهێشتنیان.
10- ئه‌وانه‌ی تازه‌ دێنه‌ ریزه‌كانمانه‌وه‌ ده‌بێت به‌لگه‌یان پێ بێت، ئه‌گه‌رنا ئه‌وانه‌ جاوی حكومه‌تی سه‌فه‌وین (سیخوڕن) له‌ناوماندا.


PUKmedia

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket