داعش ژنانی موسڵ ناچار به‌وه‌رگرتنی ته‌ڵاق ده‌كات

سه‌ركرده‌كانی داعش زۆرترین مه‌یلیان بۆ كچ و ژنه‌ جوانه‌كان هه‌یه‌

پێگه‌ی (المسله‌)ی عیراقی رایگه‌یاندووه‌ " گروپی تیرۆرستی داعش ژنانی موسڵ و هه‌ندێك له‌و شارانه‌ی كه‌له‌ژێر كۆنترۆڵیدان به‌هاوسه‌رگیریكردن له‌گه‌ڵ سه‌ركرده‌كانی ناچار ده‌كات".

پێگه‌گه‌ ئاماژه‌ی بۆ ئه‌وه‌شكردوه‌: تیرۆرستان ژنان ناچار ده‌كه‌ن كه‌ ته‌ڵاق له‌ هاوسه‌ره‌كانیان وه‌ربگرن و دواتر هاوسه‌رگیری له‌گه‌ڵ سه‌ركرده‌كانی ئه‌واندا بكه‌ن به‌پێی ئه‌و شه‌ریعه‌ته‌ی كه‌ خۆیان بڕوایان پێی هه‌یه‌.

پێگه‌كه‌ جه‌ختی له‌وه‌شكردۆته‌وه‌: تیرۆرستانی داعش ژنه‌كان ده‌ڕفێنن و هاوسه‌ره‌كانیان ناچار به‌وه‌ده‌كه‌ن كه‌ده‌ست به‌رداریان بن ئه‌گه‌ر ژنه‌كه‌ هاوسه‌ری هه‌بێت ئه‌وه‌ به‌پێی شه‌رع و به‌زۆر ته‌ڵاقی ده‌ده‌ن.

باسی له‌وه‌شكردوه‌: سه‌ركرده‌كانی داعش زۆرترین مه‌یلیان بۆ كچ و ژنه‌ جوانه‌كان هه‌یه‌و بۆیه‌ ئه‌و ژنانه‌ی كه‌ نه‌یانتوانیوه‌ ده‌ربازبن له‌سه‌ره‌تای كۆنترۆڵكردنی موسڵه‌وه‌ ئه‌وه‌ روبه‌ڕووی گه‌وره‌ترین مه‌ترسی بوونه‌ته‌وه.

له‌لایه‌كی تریشه‌وه‌ سه‌رچاوه‌یه‌ك له‌ مه‌ڵبه‌ندی موسڵی یه‌كێتیی نیشتمانیی كوردستان بۆ PUKmedia دواو وتی: به‌پێی بڕیارێكی دادگای شه‌رعی داعش له‌ناو شاری موسڵ ماره‌یه‌كی نوێ بۆ ئه‌و كچ و كوڕانه‌ دانراوه‌ كه‌ هاوسه‌رگیری ده‌كه‌ن و هه‌ر كچێك شووبكات ده‌بێت داوای ماره‌ی یه‌ك ملیۆن و نیو بكات.

سه‌رچاوه‌كه‌ راشیگه‌یاند: به‌پێی بڕیاری دادگا گه‌ربێتوو هه‌ركه‌سێك له‌وه‌ سه‌رپێچی بكات ئه‌وه‌ 30 جه‌ڵدی  لێده‌درێت.

PUKmedia تایبه‌ت