riklam

پێشمه‌رگه‌ شكست به‌ پلانه‌كانی داعش ده‌هێنێت

kurdistani 12:22 PM - 2014-10-31
 له‌ماوه‌ی هه‌فته‌ی رابردوودا دووجار ویستویانه‌ ئۆتۆمبێل به‌هێزه‌كانی پێشمه‌رگه‌دا بته‌قێننه‌وه‌،

له‌ماوه‌ی هه‌فته‌ی رابردوودا دووجار ویستویانه‌ ئۆتۆمبێل به‌هێزه‌كانی پێشمه‌رگه‌دا بته‌قێننه‌وه‌،

فه‌رمانده‌یه‌كی هێزه‌كانی پێشمه‌رگه‌ له‌باره‌ی جموجۆڵی تیرۆرستان له‌ناوچه‌كانی خورماتوو قسه‌ده‌كات و رایده‌گه‌یه‌نێت "داعش به‌هیچ شێوه‌یه‌ك توانای روبه‌ڕوبوونه‌وه‌ی هێزه‌كانی پێشمه‌رگه‌ی نه‌ماوه‌و په‌نا بۆ كرده‌وه‌ی خۆته‌قاندنه‌وه‌و كێشه‌ دروستكردن بۆ هێزه‌كانی پێشمه‌رگه‌ ده‌بات، بۆیه‌ له‌ماوه‌ی هه‌فته‌ی رابردوودا دووجار ویستویانه‌ ئۆتۆمبێل به‌هێزه‌كانی پێشمه‌رگه‌دا بته‌قێننه‌وه‌، به‌ڵام هه‌وڵه‌كان شكستیان هێناوه‌و سه‌ركه‌وتوو نه‌بوون".

ته‌ها تیماری سه‌رپه‌رشتیاری هێزه‌كانی پێشمه‌رگه‌ به‌ PUKmedia ی راگه‌یاند: ماوه‌ی چه‌ند رۆژێك پێش ئێستا له‌سه‌ر رێگای خورماتوو-كفری سلێمان به‌گ تیرۆرستانی داعش دوو جار هه‌وڵی ئه‌نجامدانی كرده‌وه‌ی خۆكوژیان داو ویستویان ئۆتۆمبێل به‌هێزه‌كانی پێشمه‌رگه‌دا كه‌ ره‌بیه‌یان داناوه‌ بته‌قێننه‌وه‌و دواتر په‌لاماری هێزه‌كانی پێشمه‌رگه‌ بده‌ن، به‌ڵام له‌هه‌ردوو جاره‌كه‌دا شكستیان هێنا.

رونشیكرده‌وه‌: له‌ هه‌وڵی یه‌كه‌مدا ویستیان به‌ئۆتۆمبێلی جۆری ناڤارا خۆیان به‌ره‌بیه‌كانی پێشمه‌رگه‌ له‌سه‌ر رێگه‌ی خورماتوو – كفری بته‌قێننه‌وه‌، به‌ڵام پێش گه‌یشتن به‌شوێنی به‌مه‌به‌ست به‌هه‌ر هۆیه‌ك بێت  هه‌ڵهاتوون و كاره‌كه‌یان ئه‌نجام نه‌داوه‌، له‌وانه‌یه‌ هۆكاره‌كه‌شی ئاماده‌نه‌بوونی هێزه‌كانیان بێت بۆ په‌لاماردانی هێزه‌كانی پێشمه‌رگه‌.

وتیشی: هه‌وڵی دووه‌میش كه‌ پێشتر زانیاریمان به‌ده‌ست گه‌یشتبوو له‌ باره‌یه‌وه‌ ئه‌وه‌بوو كه‌  ئۆتۆمبێلێكی جۆری بارهه‌ڵگر به‌ زیاتر له‌دوو تۆن tnt ه‌وه‌ به‌ره‌و رووی هێزه‌كانی پێشمه‌رگه‌ هات،  به‌ڵام پێشمه‌رگه‌كان قاره‌مانانه‌ لێیان هاتنه‌ ده‌ست و ئۆتۆمبێله‌كه‌یان راگرت و تیرۆرسته‌كه‌ی ناویشی هه‌ڵهات، به‌وشێوه‌یه‌و به‌پشت به‌ستن به‌ زانیارییه‌كان ئه‌و هه‌وڵه‌شیان شكستی پێهێنرا.


ته‌ها تیماری باسی له‌وه‌شكرد:  تیرۆرستان پلانیان هه‌یه‌ كه‌ له‌كاتی ئه‌نجامدانی ته‌قینه‌وه‌كاندا په‌لاماری هێزه‌كانی پێشمه‌رگه‌ بده‌ن و زیانی زۆر به‌هێزه‌كانمان بگه‌یه‌نن، ته‌نانه‌ت شه‌وی 29-30/10/2014 ویستیویان له‌ناوچه‌ی كۆباشی له‌ناحیه‌ی جه‌له‌ولاو نزیك له‌ناحیه‌ی سه‌عدیه‌ ئه‌و كاره‌ دووباره‌ بكه‌نه‌وه‌ به‌ڵام تێكشكان.
ئه‌و فه‌رمانده‌یه‌ ئجه‌ختی له‌وه‌شكرده‌وه‌ كه‌پێشمه‌رگه‌كانمان بوێرانه‌ بڕیاری پارێزگاریكردنیان له‌ كوردستان و نه‌ته‌وه‌كه‌یان داوه‌، بۆیه‌ رێگه‌ به‌هیچ كه‌س و ده‌ستێكی ره‌ش ناده‌ن سنور ببه‌زێنێت و ده‌ست به‌جێ پیلانه‌كان هه‌ڵده‌وشێننه‌وه‌ دژ به‌ گه‌له‌كه‌یان.

PUKmedia سامان یاروه‌یس

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket