نازناوی جێگری فه‌خری رێكخراوی سۆسیالیس ئه‌نته‌ر ناشیۆناڵ به‌خشرایه‌ سه‌رۆك مام جه‌لال

لیوس ئایالا رۆڵی سه‌رۆك مام جه‌لال به‌رزده‌نڕخێنێت

له‌لایه‌ن رێكخراوی سۆسیالیس ئه‌نته‌ر ناشیۆناڵ-ه‌وه‌ نازناوی جێگری فه‌خری به‌خشرایه‌ سه‌رۆك مام جه‌لال و سكرتێری رێكخراوه‌كه‌ش ده‌ڵێت، ئه‌و نازناوه‌ به‌ شایسته‌ی سه‌رۆك مام جه‌لال ده‌زانین، چونكه‌ سه‌رۆك مام جه‌لال رۆڵی گرنگی گێڕاوه‌ له‌په‌یوه‌ندییه‌ دیموكراسییه‌كانی رێكخراوه‌كه‌.

 ئاڵا تاڵه‌بانی نوێنه‌ری ئاماده‌بووی یه‌كێتیی نیشتمانیی كوردستان له‌كۆبوونه‌وی رێكخراوی سۆسیالیس ئه‌نته‌ر ناشیۆناڵ به‌ PUKmedia ی راگه‌یاند: رێكخراوی سۆسیالیس ئه‌نته‌ر ناشیۆناڵ بڕیاریدا كه‌ نازناوی جێگری فه‌خری ببه‌خشێته‌ سه‌رۆك مام جه‌لال.

وتیشی: به‌خشینی ئه‌و نازناوه‌ به‌سه‌رۆك مام جه‌لال له‌و چوارچێوه‌یه‌دا دێت كه‌ سه‌رۆك مام جه‌لال رۆڵی گرنگی گێڕاوه‌ له‌په‌یوه‌ندییه‌ دیموكراسییه‌كانی رێخراوه‌كه‌.

ئاڵا تاڵه‌بانی راشیگه‌یاند: من له‌كۆبوونه‌وه‌كه‌دا باسی هه‌موو ئه‌و ئازایه‌تی و مه‌ردایه‌تییانه‌ی كوردم كرد، كه‌ له‌به‌رامبه‌ر تیرۆرستان ئه‌نجامیانداوه‌ و زیندوترین نموونه‌ش ئه‌و مه‌ردایه‌تییه‌ی كوردانی خۆرئاوا به‌گشتی و كوردانی كۆبانێ به‌تایبه‌ته‌ كه‌ له‌به‌رامبه‌ر تیرۆرستان ئه‌نجامی ده‌ده‌ن.

ئه‌وه‌شی خسته‌ڕوو: له‌كۆبووه‌نه‌وه‌كه‌دا لیوس ئایالا سكرتێری رێكخراوی سۆسیالیس ئه‌نته‌ر ناشیۆناڵ باسی له‌رۆڵی سه‌رۆك مام جه‌لال كرد له‌بره‌ودان به‌ په‌یوه‌ندییه‌ دیموكراسییه‌كانی رێكخراوه‌كه‌ و ئه‌وه‌شی خسته‌ڕوو، سه‌رۆك مام جه‌لال شایسته‌ی ئه‌و نازناوه‌ فه‌خریه‌یه‌ له‌رێكخراوه‌كه‌مان.

لیوس ئایالا وتیشی: سه‌رۆك مام جه‌لال رۆڵێ سه‌ره‌كی بینیوه‌ له‌سه‌رخستنی ئاشتی له‌نێوان نه‌ته‌وه‌كانی عیراقداو هه‌روه‌ها به‌ره‌وپێشچوونی پرۆسه‌ی سیاسی له‌عیراقدا.

PUKmedia تایبه‌ت