پۆلیسی سلێمانی هۆشداری ده‌داته‌ ژماره‌یه‌ك گه‌نج

بوونه‌ته‌ هۆی بێزاركردنی خه‌ڵك

پۆلیسی سلێمانی چاودێری وردی خستۆته‌ سه‌ر ژماره‌یه‌ك پارك و باخچه‌ی گه‌ڕه‌كه‌كانی سلێمانی و له‌و باره‌یه‌شه‌وه‌ هۆشداری ده‌داته‌ ژماره‌یه‌ك  گه‌نج كه‌ ئه‌و پاركانه‌ بۆكاری نه‌شیاو به‌كارده‌هێنن و بوونه‌ته‌ هۆی بێزاركردنی خه‌ڵك.

نه‌قیب سه‌ركه‌وت ئه‌حمه‌د وته‌بێژی پۆلیسی سلێمانی به‌ PUKmedia ی راگه‌یاند: له‌لایه‌ن هاووڵاتیانی ژماره‌یه‌ك گه‌ڕه‌كه‌وه‌ په‌یوه‌ندیمان پێوه‌كراوه‌و ئاگاداركراوینه‌ته‌وه‌ له‌وه‌ی كه‌ هه‌ندێك گه‌نج پارك و باخچه‌ی گه‌ڕه‌كه‌كانیان كردۆته‌ شوێنی خواردنه‌وه‌ی مادده‌ كحولیه‌كان و به‌وهۆیه‌شه‌وه‌ هاووڵاتیانی ئه‌و گه‌ڕه‌كانه‌یان بێزاركردوه‌.

وتیشی: ئێمه‌ له‌سه‌ره‌تادا ئه‌و گه‌نجانه‌ ئاگادارده‌كه‌ینه‌وه‌ كه‌ به‌و كارانه‌ هه‌ڵده‌ستن ئه‌گه‌ر پابه‌ندی ئاگاداركردنه‌وه‌كان نه‌بن ئه‌وا ئه‌و گه‌نجانه‌ روبه‌ڕووی سزا ده‌كرێنه‌وه‌.

PUKmedia   سه‌فین ئه‌حمه‌د