riklam

پرسه‌نامه‌ی ناوه‌ندی ده‌ره‌وه‌ی یه‌كێتی بۆ بنه‌ماڵه‌ی به‌كری حاجی سه‌فه‌ر

kurdistani 11:53 AM - 2014-10-24
به‌كری حاجی سه‌فه‌ر

به‌كری حاجی سه‌فه‌ر

به‌بۆنه‌ی كۆچی دوایی به‌كری حاجی سه‌فه‌ر پێشمه‌رگه‌ی دێرینی یه‌كێتیی نیشتمانیی كوردستان و سكرتێری پێشووی ئه‌نجومه‌نی ناوه‌ندی، ناوه‌ندی ده‌ره‌وه‌ی یه‌كێتی پرسه‌نامه‌یه‌ك ئاڕاسته‌ی بنه‌ماڵه‌كه‌یان ده‌كات.

ده‌قی پرسه‌نامه‌كه‌:
به‌ڕێز/ بنه‌ماڵه‌و خانه‌واده‌ی تێكۆشه‌ری نه‌مر كاكه‌ (به‌كری حاجی سه‌فه‌ر)
ســـــڵاو....
به‌ داخ و كه‌سه‌رێكی زۆره‌وه‌ هه‌واڵی كۆچی دوایی كاكه‌ (به‌كری حاجی سه‌فه‌ر)مان پێگه‌یشت، دڵته‌نگ و نیگه‌رانی كردین، ئه‌م فه‌رمانده‌ نه‌مره‌ هه‌ر له‌ دروستبوونی كۆمه‌ڵه‌و یه‌كێتیی نیشتمانیی كوردستانه‌وه‌ ده‌وری شیاوی هه‌بووه‌، له‌ڕۆژه‌ سه‌خته‌كاندا خۆی و بنه‌ماڵه‌كه‌ی هه‌میشه‌ له‌ڕیزی كوردایه‌تیدا بوون و ئه‌وه‌ی پێی كرابێت بۆ سه‌ركه‌وتنی شۆڕش ئه‌نجامیداوه‌و دواتر دوای راپه‌ڕین وه‌ك ئه‌ندام په‌رله‌مان درێژه‌ی به‌ خه‌بات داوه‌و سه‌رۆكی پێشووی ئه‌نجومه‌نی ناوه‌ندی (ی.ن.ك) بووه‌، له‌ ته‌نگانه‌و رۆژه‌ سه‌خته‌كاندا هه‌میشه‌ وه‌كو كه‌سایه‌تیه‌كی به‌ئه‌زمون و فه‌رمانده‌یه‌كی به‌وره‌ له‌ مه‌یدانه‌كاندا ده‌وری شیاوی هه‌بووه‌، بۆیه‌ به‌ له‌ده‌ستدانی ئه‌م كه‌سایه‌تییه‌ كوردایه‌تی و (ی.ن.ك) خه‌ساره‌تێكی گه‌وره‌یی لێده‌كه‌وێت.
به‌ناوی سه‌رجه‌م كادران و ئه‌ندامانی ناوه‌ندی ده‌ره‌وه‌ پرسه‌و سه‌ره‌خۆشی خۆمان راده‌گه‌یه‌نین، له‌ په‌روه‌ردگار داواكارین دوامه‌نزڵگای به‌هه‌شتی به‌رین بێت و ته‌سه‌لاو سه‌بوری بۆ بنه‌ماڵه‌كه‌ی ده‌خوازین، ئومێد ده‌كه‌ین دواخه‌م و په‌ژاره‌ی ئه‌م بنه‌ماڵه‌ تێكۆشه‌ره‌ بێت.

لــــه‌گــــه‌ڵ رێـــــزدا....
اإنــا لـلـــه‌ و إنــا الـیــه‌ راجـعــون

ناوه‌ندی ده‌ره‌وه‌

PUKmedia تایبه‌ت

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket