فیلمهكهی 4 خهڵات بهدهستدههێنێت
kurdistani 07:14 PM - 2014-10-23سان فرانسیسكۆ رێز له پوران درهخشهنده گیرا
له فێستیڤاڵی سان فرانسیسكۆ رێز له (پووران درهخشهنده) گیراو فیلمهكهی 4 خهڵاتی بهدهستهێنا
له حهوتهمین خولی فێستیڤاڵی فیلمی سان فرانسیسكۆ رێز له سینهماكاری كورد (پووران درهخشهنده) گیراو فیلمی سینهمایی "بێدهنگ! كچهكان ناقیژێنن" چوار خهڵاتی سهرهكی ئهم فێستیڤاڵهی بهدهستهێنا.
فیلمی سینهمایی "بێدهنگ! كچهكان ناقیژێنن" به ئامادهبوونی خانمه سینهماكاری كورد "پووران درهخشهنده" له حهوتهمین خولی فێستیڤاڵی "فیلمه ئێرانییهكان" له سان فرانسیسكۆ له ویلایهتی كالیفۆرنیا له وڵاتی ئهمریكا نمایشكراو لهلایهن بینهرانی ئێرانی و ئهمریكییهوه پێشوازی لێكرا، به شێوهیهك كه تهواوی بلیتهكانی نمایشی ئهم فیلمه فرۆشراو پاشان كۆڕی رهخنهو ههڵسهنگاندنی ئهم فیلمه به ئامادهبوونی دهرهێنهرهكهی بهڕێوهچوو و ئهم فیلمسازه كرماشانیه وهڵامی پرسیارهكانی ئامادهبووانی دایهوه.
دوای نمایشی ئهم فیلمه بهرپرسانی فێستیڤاڵی "فیلمه ئێرانییهكان" له سان فرانسیسكۆ به پێشكهشكردنی چهپكهگوڵ، لهوحهی فهخری و خهڵاتی تایبهت، رێزیان له تهمهنێك چالاكی هونهری خاتوو "پووران درهخشهنده" له بواری سینهمادا گرت.
خانمه سینهماكاری كورد "پووران درهخشهنده" دوای نمایشی فیلمی سینهمایی "بێدهنگ! كچهكان ناقیژێنن" وهڵامی پرسیاری بینهرانی ئێرانی و ئهمهریكی دایهوهو ههندێك له بنهماڵه ئهمریكییهكان لهوبڕوایهدا بوون كه پێویسته ئهم فیلمه له قوتابخانهكانی ئهمریكایش نمایشبكرێت، تا دایك و باوك و بهرپرسانی منداڵهكانیشیان لهگهڵ بابهتی لهم چهشنه كه لهڕاستیدا مهسهلهی ئهوانیشه ئاشنابن و ههرچی زۆرتر لهسهر ئهم بابهته قسهبكرێت و به قوتابییهكان و بنهماڵهكانیان زانیاری بدرێت، كاریگهریی ئهوتۆی دهبێت.
بینهرانی حهوتهمین خولی فێستیڤاڵی "فیلمه ئێرانییهكان" له سان فرانسیسكۆ بههۆی سازكردنی فیلمی سینهمایی "بێدهنگ! كچهكان ناقیژێنن" و ئاگاداری ئهوان له بارودۆخی وردی منداڵهكانیان، سوپاس و پێزانینی خۆیان ئاڕاستهی "پووران درهخشهنده" كردو رێزی تایبهتیان لێگرت.
لهلایهن ئهندامانی لیژنهی دادوهرانی بهشی پێشبڕكێی حهوتهمین خولی فێستیڤاڵی "فیلمه ئێرانییهكان" له سان فرانسیسكۆ، ههڵبژێردراوانی ئهم فێستیڤاڵه دیاریكران و فیلمی "بێدهنگ! كچهكان ناقیژێنن" توانی چوار خهڵاتی سهرهكی بهدهستبێنێت، كه خهڵاتهكانی ئهم بهشهی فێستیڤاڵ بریتیبوون له:
ـ خهڵاتی باشترین فیلم بۆ فیلمی سینهمایی "بێدهنگ! كچهكان ناقیژێنن" له دهرهێنانی پووران درهخشهنده.
ـ خهڵاتی باشترین دهرهێنانی بۆ "پووران درهخشهنده" بههۆی دهرهێنانی فیلمی سینهمایی "بێدهنگ! كچهكان ناقیژێنن".
ـ خهڵاتی باشترین سیناریۆ به شێوهی هاوبهش بۆ "پووران درهخشهنده" و "میترا بههرامی" بۆ نووسینی سیناریۆی فیلمی سینهمایی "بێدهنگ! كچهكان ناقیژێنن".
ـ خهڵاتی باشترین ئهكتهری پیاو بۆ "فهرامهرز قهریبیان" بۆ رۆڵبینین له فیلمی سینهمایی "تاوانباران".
ـ خهڵاتی باشترین ئهكتهری ئافرهت بۆ "تهناز تهباتهبایی" بۆ رۆڵبینین له فیلمی سینهمایی"بێدهنگ! كچهكان ناقیژێنن"
ـ خهڵاتی باشترین وێنهگرتن بۆ سینهماكاری كورد "سالم سهڵهواتی" بۆ وێنهگرتنی فیلمی سینهمایی كوردی "دوایین زستان".
فێستیڤاڵی "فیلمه ئێرانییهكان" له سان فرانسیسكۆ به ناونیشانی IFF دیمهنێكه له رووداوهكانی سینهمای سهربهخۆی ئێران، كه به نمایشی كۆمهڵێك فیلم سهبارهت به ئێرانییهكانهو لهلایهن هونهرمهندانی ئهو وڵاتهوه بهرههمهاتوون.
ئهم فێستیڤاڵه به نمایشی كۆمهلًَێك فیلم له سینهماكارانی كوردو ئێرانی سهرتاسهری جیهان له رۆژانی 27و 28ی ئهیلول/ سهپتهمبهری 2014 له رێكخراوهی هونهری شاری سان فرانسیسكۆ له وڵاتی ئهمریكا بهڕێوهچوو.
PUKmedia بهڕێوهبهرایهتی راگهیاندنی گشتی فیلمی سینهمایی "بێدهنگ! كچهكان ناقیژێنن".
هەواڵی زیاتر
-
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
02:20 PM - 2024-04-18
ئەمانەش ببینە
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
05:05 PM - 2024-04-18
سەرۆک بافڵ: یەکێتی ئامادەی هەڵبژاردنە
03:49 PM - 2024-04-18
کۆمسیۆن وادەی بانگەشەی هەڵبژاردن دیاریدەکات
10:29 AM - 2024-04-18
زۆرترین خوێنراو
-
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19 -
داهاتی هەفتەی رابردووی سلێمانی زیاتر لە 7 ملیار دینارە
کوردستان 09:09 AM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
کوردستان 08:31 PM - 2024-04-18 -
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
کوردستان 05:05 PM - 2024-04-18 -
كونسوڵی روسیا: یهكێتی هێزێكی كاریگهره
کوردستان 04:42 PM - 2024-04-18 -
سەرۆک بافڵ: یەکێتی ئامادەی هەڵبژاردنە
کوردستان 03:49 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
کوردستان 02:20 PM - 2024-04-18