ئه‌مریكا تاوتوێی زیادكردنی راوێژكاره‌ سه‌ربازییه‌كانی ده‌كات له‌ عیراق

به‌رپرسانی ئه‌مریكا ئه‌و داوایه‌ی عیراق تاوتوێده‌كه‌ن

ئه‌مریكا تاوتوێی زیادكردنی راوێژكاره‌ سه‌ربازییه‌كانی ده‌كات له‌ عیراق دژی داعش.

ئاژانسی هه‌واڵی رۆیته‌رز ئه‌مڕۆ 22-10-2014، بڵاویكرده‌وه‌، به‌رپرسانی ئه‌مریكا تاوتوێی بڕیاری ناردنی راوێژكاری سه‌ربازی  زیاتری ئه‌مریكی ده‌كه‌ن بۆ هاوكاریكردنی سوپای عیراق له‌ رووبه‌ڕوبونه‌وه‌ی رێكخراوی تیرۆرستی داعش.

ئه‌و سه‌رچاوه‌یه‌ راشیگه‌یاند: له‌ كۆبوونه‌وه‌یه‌كی به‌رپرسانی ئه‌مریكا كه‌ هه‌فته‌ی رابردوو له‌ عیراق له‌گه‌ڵ به‌رپرسانی عیراق، به‌رپرسانی عیراق داوای زیادكردنی ژماره‌ی راوێژكاره‌ سه‌ربازییه‌كانی ئه‌مریكایان له‌  عیراق كردوه‌ بۆ هاوكاریكردنی سوپای عیراق له‌ رووبه‌ڕوبونه‌وه‌ی رێكخراوی تیرۆرستی داعش.
 هه‌روه‌ها وتیشی: له‌ ئێستادا به‌رپرسانی ئه‌مریكا ئه‌و داوایه‌ی عیراق تاوتوێده‌كه‌ن.

 PUKmedia رۆیته‌رز