یه‌په‌گه‌: له‌ كۆبانێ 73 تیرۆرستی داعشمان كوشتووه‌

یه‌په‌گه‌ له‌ سه‌ركه‌وتنه‌كانی به‌رده‌وامه‌

یه‌كینه‌كانی پاراستنی گه‌ل یه‌په‌گه‌ له‌كۆبانێ چه‌ند قۆڵێكه‌وه‌ داعش ده‌شكێن و له‌ چه‌ند شه‌ڕو رووبه‌ڕوبونه‌وه‌یه‌كیش له‌گه‌ڵ هه‌ر ئه‌مڕۆ 73 چه‌كداری تیرۆرستی داعش ده‌كوژن.

له‌وباره‌یه‌وه‌ ئاری هه‌ركی چالاكوانی سیاسی نزیك له‌ یه‌په‌گه‌ به‌ PUKmedia ی راگه‌یاند:له‌ به‌ره‌به‌یانی ئه‌مڕۆ 21-10-2014، یه‌كینه‌كانی پاراستنی گه‌ل  یه‌په‌گه‌ له‌ چه‌ند قۆڵێكه‌وه‌ له‌ كۆبانێ چه‌ندین هێرشی تیرۆرستانی داعشیان تێكشكاندوه‌و له‌و شه‌ڕانه‌شدا 73 چه‌كداری تیرۆرستی داعش كوژراون و له‌ ئێستادا شه‌ڕ له‌هه‌ندێ ناوچه‌ی ده‌ره‌وه‌ی كۆبانێ به‌رده‌وامی هه‌یه‌و یه‌په‌گه‌ش به‌رده‌وامه‌ له‌ سه‌ركه‌وتنه‌كانی.

ئه‌و سه‌رچاوه‌یه‌ وتیشی: له‌ ئێستادا یه‌په‌گه‌ تیرۆرستانی داعشیان له‌ ناو شاری كۆبانێ ده‌ركرده‌وه‌و له‌ ده‌روه‌ی ئه‌و شاره‌ شه‌ڕ به‌رده‌وامه‌.

PUKmedia سامان یاروه‌یس