بورهان محه‌مه‌د دوو سروودی نوێ به‌رهه‌م ده‌هێنێت

به‌ناوی ( شێری بێشه‌ و سه‌نگه‌ری به‌رگری)

هونه‌رمه‌ند بورهان محه‌مه‌د وه‌ك زۆربه‌ی هونه‌رمه‌نده‌كانی تری هاوپیشه‌ی و بۆ خۆشه‌ویستی كوردستان و پێشمه‌رگه‌ وه‌ك هه‌ستكردن به‌به‌رپرسیاریه‌تی به‌و باردۆخه‌ نه‌خوازراوه‌ی هاتۆته‌ ئاراوه‌ دوو سروودی نوێ پێشكه‌ش ده‌كات.
سه‌باره‌ت به‌ كاره‌ نوێكانی بورهان محه‌مه‌دی هونه‌رمه‌ند تایبه‌ت بۆ PUKmedia دوا ووتی :دوای ئه‌و شه‌ڕه‌ نه‌خوازراوه‌ی كه‌ ماوه‌یه‌ كه‌ به‌رۆكی گرتوین منیش وه‌ك پێشمه‌رگه‌یه‌كی دێرین ویستم به‌هونه‌ره‌كه‌م خزمه‌ت به‌ پێشمه‌رگه‌ بكه‌م و بڕیارمدا كه‌ دوو سروود بۆ ئازایه‌تی و گیان بازی و له‌خۆ بورده‌ی و وڵات پارێزانی نیشتمان تۆمار بكه‌م به‌ناوی ( شێری بێشه‌ و سه‌نگه‌ری به‌رگری).

شێری بێشه‌ هۆنراوه‌ی مامۆستا محه‌مه‌د كه‌ساس و ئاوازی خۆمه‌و ئاماده‌كردن و دابه‌شكردنی میوزیكی له‌لایه‌ن سامان حه‌مه‌ كه‌ریم بۆ كراوه‌و سیت كه‌مانیشی له‌لایه‌ن هێرش عومه‌ر ره‌زاوه‌ بۆ ئه‌نجامدراوه‌.

سروودی دوومیشم به‌ناوی سه‌نگه‌ری به‌رگری له‌هۆنراوه‌ی كارزان جه‌لال و ئاوازی خۆمه‌و هێرش عومه‌ر ره‌زا ئاماده‌كردن و دابه‌شكردنی میوزیكی بۆ كردوه‌و له‌لایه‌ن ته‌له‌فزیۆنی خاك-ه‌وه‌ كاری وێنه‌گرتن بۆ به‌رهه‌كانم ده‌كرێت.

راشیگه‌یاند: زۆر سوپاسی ئه‌و هاوڕێیانه‌م ده‌كه‌م كه‌ هاوكارم بوون له‌ به‌رهه‌مهێنانی ئه‌و كاره‌م و له‌ ئاینده‌یه‌كی نزیكدا ده‌كه‌وینه‌ به‌ر دیدی بینه‌رانی به‌رێزو خۆشه‌ویست.

PUKmedia ئاری مسته‌فا