دوعای خێریان بۆ بكه‌ن ‌

.

+ قوربان گیان بگره‌.

-چییه‌ ئه‌وه‌ كوڕم؟.

+ سابوونمان نه‌بوو، گڵه‌ سوورم بۆ هێناوی. پاك‌وته‌میز ده‌ستی پێ بشۆ له‌وه‌زعه‌كه‌.

- به‌و قورعانه‌ ئه‌زانم بۆچی‌ وا نائومێدیت. له‌داخی ئه‌وه‌یه‌ كه‌ جه‌ماعه‌ت له‌باتی هه‌موو چه‌ك‌و تڕوتفاقێكی شه‌ڕ چون پێڵاوی ژنانه‌یان ته‌وزیع كردووه‌ له‌جه‌بهه‌كاندا.

+ نه‌وه‌ڵڵا ئه‌وه‌ نییه‌.

- ده‌ كه‌واته‌ مه‌وزوعی ئیعلامه‌وانه‌كه‌ بێتاقه‌تی كردویت.

+ كام مه‌وزوعه‌؟

- ئه‌وه‌ی كه‌ بۆ زه‌مكردنی (یه‌كگرتوو) سێ میوانی بانگ كردبوو هه‌رسێكیان برابوون.

+ هه‌رسێكیان برا بوون؟ به‌ جددیته‌؟؟؟

- ئه‌رێ‌ به‌سه‌ری‌ تۆ.

+ له‌ده‌شتی كه‌ربه‌لا بوون؟

- نه‌خێر. ده‌شتی كه‌ربه‌لای چی‌! له‌م شاخ‌وداخه‌ی سلێمانی بوون.

+ سه‌یره‌ به‌ڕاستی.

- یه‌عنی ئاگات لێ‌ نییه‌؟

+ ئاگام له‌چی‌ بێ به‌گم؟! كه‌وتووم به‌سه‌ر وه‌زعێكی ئه‌وه‌نده‌ قۆڕو بێ مه‌عنادا مه‌گه‌ر هه‌ر خوا ره‌حم بكات.

- یا حافیزه‌ڵڵا چی‌ بووه‌؟

+ ئه‌م گێچه‌ڵه‌ی كه‌ جه‌ماعه‌ت ئه‌یگێڕن به‌مه‌سئوله‌كانی یه‌كێتی.

- راست ئه‌كه‌ی زۆر ناخۆشه‌.

+ ئاخر توو شه‌ره‌ف براده‌رایه‌تی‌و هاوپه‌یمانێتی وا ئه‌بێ؟!

- مه‌سه‌له‌ی هاوپه‌یمانێتیشی‌ لێ‌ ده‌رچێ. هه‌ر هه‌ق نییه‌ وایان له‌گه‌ڵدا بكه‌ن. به‌عه‌كسه‌وه‌، مه‌فروزه‌ زۆرزۆر سوپاس‌و دوعای خێریان بۆ بكه‌ن بۆ ئه‌و مه‌سئولانه‌. چونكه‌ ئه‌زانی بۆ؟

+ بۆ؟

- له‌به‌رئه‌وه‌ی جه‌ماعه‌ت هه‌ر خۆیان سه‌دان جار وتویانه‌ یه‌كێتی له‌سایه‌ی ئه‌م سه‌ركردایه‌تییه‌وه‌ ئاوای لێ‌ به‌سه‌ر هاتووه‌.