وەزیرە كوردەكانی حكومەتەكەی عەبادی سوێند دەخۆن

پێش جەژن هیچ كۆبوونەوەیەكی نوێنەران ناكرێت

بڕیاردەری ئەنجومەنی نوێنەرانی عیراق رایدەگەیەنێ دوای كۆتایهاتنی پشوی جەژنی قوربان وەزیرە كوردەكان لەپەرلەمان سوێندی یاسایی دەخۆن.

نیازی مەعمار ئۆغلۆ بڕیاردەری ئەنجومەنی نوێنەرانی عیراق رایگەیاند: وەزیرە كوردەكان لەگەڵ كۆتایهاتنی پشوی جەژنی قوربان راستەوخۆ لەپەرلەمانی عیراق سوێند دەخۆن، بەڵام بەهۆی تەواونەبونی رێژەی یاسای پەرلەمانتارانەوە پێش جەژن هیچ كۆبوونەوەیەكی نوێنەران ناكرێت.

هەرچەندە رۆژی 8ی ئەم مانگە بەشێكی زۆر لەوەزیرەكانی كابینەی حكومەتەكەی حەیدەر عەبادی لەپەرلەمانی عیراق سوێندی یاساییان خوارد، بەڵام تائێستا وەزیرە كوردەكان سوێندی یاساییان نەخواردوە بەشداری هیچ كۆبوونەوەیەكی ئەنجومەنی وەزیرانیان نەكردوە.

IMN -PUKmedia