داقوق.. پێشمه‌رگه‌ چه‌ند گوندێك كۆنترۆڵ ده‌كاته‌وه‌

تیرۆرستان زیانێكی هێجگار زۆریان پێگه‌یشتووه‌

له‌به‌ره‌به‌یانی ئه‌مڕۆوه‌ 30-9-2014 هێزه‌كانی پێشمه‌رگه‌ له‌سنووری قه‌زای داقوق، هێرشیان كرده‌ سه‌ر تیرۆرستان و توانیان سێ گوند له‌تیرۆرستان بسه‌ننه‌وه‌.

په‌یامنێرمان رايگه‌یاند: له‌سه‌عات 4 ی به‌ره‌به‌یانی ئه‌مڕۆوه‌ هێزه‌كانی پێشمه‌رگه‌ هێرشیان كرده‌ سه‌ر تیرۆرستان له‌گونده‌كانی خاليد و وه‌حده‌و ساعد،ی سه‌ربه‌قه‌زای داقوق و توانیان له‌ماوه‌یه‌كی كورتدا ئه‌و سێ گونده‌ له‌تیرۆرستان پاكبكه‌نه‌وه‌.

په‌یامنێرمان وتیشی: تائێستا زه‌ره‌روو زیانه‌كان نه‌زانراوه‌، به‌ڵام تیرۆرستان زیانێكی هێجگار زۆریان پێگه‌یشتووه‌، هه‌روه‌ها تیرۆرستان ووره‌یان به‌رامبه‌ر به‌ هێزه‌كانی پێشمه‌رگه‌ نه‌ماوه‌و له‌ئێستاشدا له‌پاشه‌كشه‌دان.

 PUKmedia حاجی داقوقی